હવસખોર આસિ.પ્રોફેસરે લગ્ન પ્રસંગમાં કરેલી કરતૂતથી તમારુ માથુ શરમથી ઝુકી જશે

વડોદરામાં લગ્ન પ્રસંગમાં આવેલા સુરતના પીએચડી ડોક્ટર આસિ.પ્રોફેસરની હવસભરી કરતૂતોના કારણે ફરી એક વાર શિક્ષણ જગતને કલંક લાગ્યું છે.સુરતના આસિ.પ્રોફેસરે લગ્ન પ્રસંગમાં ચાર વર્ષની બાળકી સાથે શારિરીક અડપલાં કર્યા હતા. ડઘાઇ ગયેલી બાળકીની તબિયત લથડ્યા બાદ માતા પિતાને શંકા ગઇ હતી અને ત્યારબાદ તેમણે પૂછપરછ કરતા હકિકતનો ભાંડો ફૂટ્યો હતો. બાળકીએ માતાના મોબાઇલ ફોનમાં હવસખોર પ્રોફેસરનો ફોટો જોઇને તેને ઓળખી બતાવ્યો હતો. બાળકીને પીડા થતાં આખરે આસિ. પ્રોફેસર ડો.પિયુષ અંજારીયાનું કારસ્તાન બહાર આવ્યું હતું. આ મામલે પરિવારે સુરત પોલીસને જાણ કરતાં સુરત પોલીસે ગુનો નોંધીને વડોદરા પોલીસને જાણ કરી હતી.અને ડો.પિયુષ અંજારીયાની ધરપકડ કરી વધુ તપાસ માટે  વડોદરા ગ્રામ્ય પોલીસને સોંપ્યો હતો.  PHD થયેલો પ્રોફેસર પિયુષ અંજીરિયા પોતે ઇતિહાસવિદ છે અને બે દિવસ બાદ આરોપી આ હવસખોર પ્રોફેસરના પુસ્તકનું વિમોચન થવાનું હતું.

પોલીસ સૂત્રો દ્વારા મળેલી જાણકારી મુજબ વડોદરામાં કપુરાઇ-ડભોઇ રોડ પરના પાર્ટી પ્લોટમાં આયોજિત લગ્નપ્રસંગમાં સુરતથી પીએચડી ડોક્ટર થયેલો પિયુષ અંજારીયા પણ આવ્યો હતો. મળેલી માહિતી મુજબ  સુરતમાં એક મંદિરમાં પરિવાર સાથે રહેતા અને કર્મકાંડ સાથે જોડાયેલા પરિવારના મિત્ર પીએચડી ડો. પીયુષ સુરેશભાઇ અંજારીયા (રહે. ઓલપાડ રોડ, કતારગામ, સુરત) જોડે જુના સંબંધો હતા. જેથી પરિવારમાં લગ્ન હોવાથી તેને આમંત્રણ આપવામાં આવ્યું હતું. જેથી  ડો. પીયુષ લગ્નમાં આવ્યો હતો. પ્રસંગમાં યોજાયેલા  ગરબામાં ડો. પીયુષ પરિવારની 4 વર્ષની દિકરીને રમાડવા લઇ ગયો હતો. દરમિયાન તેણે તેની જોડે અડપલાં કર્યા હતા. તે સમયે દિકરી કોઇ અવાજ ના કરે તે માટે તેણે તેનું મોઢું જોરથી દબાવી દીધું હતું.

બાળકી સાથે થયેલી આ ઘટનાથી તેનો પરિવાર અજાણ હતો  અને પ્રસંગ પત્યા બાદ પરિવાર સુરત આવી ગયો હતો. જો કે ત્યાર બાદ  દિકરીને ગુપ્તાંગમાં પીડા ઉપડતા તેણે માતાને જાણ કરી હતી. ત્યાર બાદ માતાએ તેને પુછતા કોઇ અઘટિત ઘટના ઘટી હોવાની આશંકા જાગી હતી. ત્યાર બાદ માતાએ તેને પટાવીને પુછતા તેણે ઘટના વર્ણવી હતી. જેથી પરિવરના પગ નીચેથી જમીન ખસી ગઇ હોય તેવો ચોંકાવનારો ખુલાસો થયો હતો. આવું દુષ્કૃત્ય કરનાર શખ્સ વિશે દિકરી કોઇ વર્ણન આપી શકી ન્હતી. જેથી માતાએ લગ્ન પ્રસંગના ફોટો બતાવ્યા હતા. તેવામાં નરાધમ ડો. પીયુષ અંજારીયાની તસ્વીર આવતા તેણે તુરંત અણગમો વ્યક્ત કર્યો હતો. જે બાદ પરિવારે સુરતના સંબંધિત પોલીસ મથકમાં જાણ કરી હતી. આ ઘટના વડોદરાની હોવાથી વડોદરા ગ્રામ્યના વરણામાં પોલીસ મથકમાં તેને ટ્રાન્સફર કરવામાં આવી છે. આ મામલે બાળકી જોડે ખોટું કામ કરનાર ડો. પીયુષ અંજારીયાને દબોચીને જેલ હવાલે કરી દેવામાં આવ્યો છે. સુત્રોના જણાવ્યા અનુસાર, આરોપી પીયુષ અપરિણીત છે અને ટ્યુશન ચલાવે છે.