ગુજરાતી ફિલ્મ ઈન્ડસ્ટ્રી અને બોલિવૂડમાં જાણીતા મ્યુઝિક કમ્પોઝર 'સચિન-જીગર' ફેમ સચિન સંઘવી વિવાદમાં સપડાયા છે. 'વ્હાલમ આવો ને' જેવા લોકપ્રિય ગીતો આપનાર આ કમ્પોઝરની મુંબઈ પોલીસે જાતીય સતામણીના ગંભીર આરોપસર ધરપકડ કરી હતી. અંદાજે 29 વર્ષીય એક યુવતીએ સચિન સંઘવી વિરુદ્ધ મુંબઈના સાંતાક્રુઝ પોલીસ સ્ટેશનમાં ફરિયાદ નોંધાવી હતી. યુવતીએ પોતાના નિવેદનમાં જણાવ્યું હતું કે, સચિન સંઘવીએ તેને મ્યુઝિક આલ્બમમાં કામ અપાવવાની અને લગ્નની લાલચ આપીને તેની જાતીય સતામણી કરી હતી. પોલીસ અધિકારીઓના જણાવ્યા મુજબ, સચિન સંઘવી વિરુદ્ધ દુષ્કર્મનો કેસ નોંધવામાં આવ્યો છે. જોકે, ધરપકડના ગણતરીના સમયમાં જ સચિન સંઘવીને જામીન મળી ગયા છે.
સચિનના સ્ટુડિયોમાંથી પુરાવા એકત્રિત કર્યા
પોલીસે આ કેસની ગંભીરતાને ધ્યાનમાં રાખીને તાત્કાલિક કાર્યવાહી કરી હતી અને આરોપીની ધરપકડ કરી હતી, પરંતુ કાયદાકીય પ્રક્રિયાને પગલે તેમને મુક્ત કરવામાં આવ્યા છે. પોલીસે સચિન સંઘવીના સ્ટુડિયોમાંથી પુરાવા એકત્રિત કર્યા હોવાનું જાણવા મળ્યું છે અને ફરિયાદમાં આપેલી ઘટનાઓની સમય-મર્યાદાની ચકાસણી કરવામાં આવી રહી છે. યુવતીની ફરિયાદ મુજબ, સચિન સંઘવીએ લગ્નની લાલચ આપીને આ કૃત્ય કર્યું હતું.
આ પણ વાંચો:<a href="https://www.benefitnews24.com/gujarati/entertainment/gaurav-or-nehal-in-the-elimination-in-bigg-boss-19-/21274" target="_blank" rel="noopener"> </a><a href="https://www.benefitnews24.com/gujarati/entertainment/gaurav-or-nehal-in-the-elimination-in-bigg-boss-19-/21274" target="_blank" rel="noopener">બિગ બોસ 19માં એલિમિનેશનમાં ગૌરવ કે નેહલ ?</a>
જામીન પર મુક્ત કરવામાં આવ્યા
બીજી તરફ, સચિન સંઘવીના વકીલે પક્ષ રજૂ કરતાં કહ્યું કે, "સચિન સામેની FIRમાં કરાયેલા તમામ આરોપો સંપૂર્ણપણે પાયાવિહોણા અને ખોટા છે. આ કેસમાં કોઈ યોગ્યતા નથી. પોલીસ દ્વારા સચિનની અટકાયત ગેરકાયદે હતી અને તેથી જ તેમને તાત્કાલિક જામીન પર મુક્ત કરવામાં આવ્યા. અમારો ઈરાદો બધા આરોપોનો સંપૂર્ણ અને સ્પષ્ટ રીતે બચાવ કરવાનો છે." આ ઘટનાએ ગુજરાતી મ્યુઝિક ઈન્ડસ્ટ્રીમાં સનસનાટી મચાવી છે અને 'સચિન-જીગર'ના ચાહકો માટે પણ આ એક ચોંકાવનારો સમાચાર છે.

'સચિન-જીગર' ફેમ સચિન સંઘવીની જાતીય સતામણીના આરોપમં ધરપકડ કરવામાં આવી

October 24, 2025 | 16:46 IST