રાજકોટ શહેરમાં ફરી એકવાર પારિવારિક સંબંધો લોહીથી રંગાયા. ભક્તિનગર પોલીસ સ્ટેશન વિસ્તારમાં આવેલા હુડકો ક્વાર્ટરમાં ગુરુવારે મોડી રાત્રે ઘરગૃસ્તિ અને દારૂની લતને લઈને ઝઘડો એટલો વકર્યો કે પત્ની અને મોટા પુત્રએ મળીને પિતાને છરીના અનેક ઘા મારી ઢીમ ઢાળી દીધા. મૃતકનું નામ નરેશભાઈ નટુભાઈ વ્યાસ (ઉં.વ. ૪૨) છે, જે મોજાંનો હોલસેલ વેપાર કરતા હતા.
બનાવની જાણ થતાંની સાથે જ ભક્તિનગર પોલીસ, ક્રાઇમ બ્રાન્ચ, એલસીબી તેમજ એસીપી અને ડીસીપી કક્ષાના વરિષ્ઠ અધિકારીઓ ઘટનાસ્થળે પહોંચી ગયા હતા. મૃતદેહની બાજુમાંથી કાળા હેન્ડલવાળી ધારદાર છરી મળી આવી છે, જે હત્યામાં વપરાયેલું હથિયાર હોવાનું પોલીસને પ્રાથમિક તપાસમાં મળ્યું છે.
પોલીસે તરત જ ત્રણની ધરપકડ કરી
પોલીસે ઘટનાના થોડા જ કલાકમાં મૃતકની પત્ની (નામ જાહેર નથી) તથા મોટા પુત્ર સહિત કુલ ત્રણ વ્યક્તિઓની ધરપકડ કરી લીધી છે. બીજા પુત્રને પણ પૂછપરછ માટે ચકાસણીમાં લેવાયો છે. હાલ તમામની સઘન પૂછપરછ ચાલુ છે. FSL ટીમે ઘટનાસ્થળેથી ફિંગરપ્રિન્ટ, બ્લડ સેમ્પલ તેમજ અન્ય પુરાવા એકત્ર કર્યા છે. મૃતદેહને પોસ્ટમોર્ટમ માટે રાજકોટ સિવિલ હોસ્પિટલ ખસેડવામાં આવ્યો છે.
ઘરકંકાસ અને દારૂની લતથી કંટાળી હત્યા
&nbsp;પોલીસની પ્રાથમિક તપાસમાં સામે આવ્યું છે કે નરેશભાઈને દારૂ પીવાની આદત હતી અને ઘરખર્ચ માટે પરિવાર સાથે સતત ઝઘડા થતા હતા. ગુરુવારે રાત્રે પણ દારૂ પીને ઘરે આવેલા નરેશભાઈએ પત્ની સાથે ઝઘડો કર્યો. આ દરમિયાન મોટા પુત્રએ માતાને સાથ આપ્યો અને બંનેએ મળીને રસોડામાંથી છરી લઈને નરેશભાઈ પર તૂટી પડ્યા. ગળા, છાતી અને પેટ પર અનેક ઘા મારીને તેમનું કામ તમામ કરી દીધું.
એસીપી બી.વી. જાધવનું નિવેદન રાજકોટ શહેર એસીપી બી.વી. જાધવે જણાવ્યું, &ldquo;ભક્તિનગર વિસ્તારમાં નરેશભાઈ વ્યાસની તેમની પત્ની અને પુત્ર દ્વારા છરીના ઘા મારી હત્યા કરવામાં આવી છે. મૃતદેહની બાજુમાંથી હત્યામાં વપરાયેલી છરી મળી આવી છે. ત્રણેય આરોપીઓની ધરપકડ કરી સઘન પૂછપરછ ચાલુ છે. હત્યા પાછળ ઘરેલુ ઝઘડો અને દારૂની લત મુખ્ય કારણ લાગી રહ્યું છે.&rdquo;
આ વર્ષે રાજકોટમાં ઘરગૃસ્તિના ખૂનની આ ત્રીજી મોટી ઘટના આ વર્ષે રાજકોટમાં સંબંધોના નામે થયેલી હત્યાઓની આ ત્રીજી મોટી ઘટના છે. આ પહેલાં પણ ઘણી ઘટનાઓમાં પત્ની કે સંતાનો દ્વારા પતિ/પિતાની હત્યા થઈ છે, જે ચિંતાનો વિષય બની છે.
પોલીસે હત્યાનો ગુનો નોંધી વધુ તપાસ શરૂ કરી દીધી છે. આરોપીઓને ટૂંક સમયમાં કોર્ટ સમક્ષ રજૂ કરવામાં આવશે.

સ્થાનિક પોલીસની સાથે ક્રાઇમ બ્રાન્ચ-LCBની ટીમ પણ સ્થળે પહોંચી હતી.

પત્ની અને પુત્રએ મળીને પિતાને છરીના ઘા ઝીંકી મોતને ઘાટ ઉતાર્યા, ત્રણની ધરપકડ

November 21, 2025 | 16:44 IST