અરુણાચલ પ્રદેશના પાપુમ પારે જિલ્લાની યૂપિયા સત્ર અદાલત દ્વારા એક મોટો અને કડક ચુકાદો આપવામાં આવ્યો છે. કોર્ટે 23 વર્ષીય યુવકને તેની 19 વર્ષીય પિત્રાઈ બહેન સાથે દુષ્કર્મ કરવાના ગુનામાં આજીવન કેદની સજા અને 20,000નો દંડ ફટકાર્યો છે. આ ઘટના ઓગસ્ટ 2022માં નહારલાગુનમાં બની હતી. સત્ર ન્યાયાધીશ હિરેન્દ્ર કશ્યપે આ ગુનાને 'પાપ અને સામાજિક કલંક' ગણાવીને સમાજમાં કડક દંડની આવશ્યકતા પર ભાર મૂક્યો હતો. અદાલતના જણાવ્યા અનુસાર, આરોપીએ એક ભાઈ તરીકેના વિશ્વાસની સ્થિતિનો દુરુપયોગ કર્યો અને આ ક્રૂર ગુનો આચર્યો, જે સમાજ માટે દુર્લભતમ અપરાધોમાંથી એક છે.
સાક્ષીઓના નિવેદનો સહિત DNA પુરાવા રજૂ&nbsp;
અદાલત દ્વારા આરોપીને દોષિત ઠેરવવામાં આવ્યો હતો. કેસમાં તબીબી, ફોરેન્સિક અને સાક્ષીઓના નિવેદનો સહિત DNA પુરાવા રજૂ કર્યા હતા, જેનાથી આરોપીની સંડોવણી નિશ્ચિતપણે સાબિત થઈ હતી. આ પુરાવાઓના આધારે, અદાલતે આરોપીને કોઈપણ પ્રકારની નરમાઈ કે પ્રોબેશનનો લાભ આપવાની દલીલને સ્પષ્ટપણે નકારી કાઢી હતી. અદાલતે જણાવ્યું કે, આવા ગંભીર ગુનામાં કોઈ પણ પ્રકારની છૂટછાટ આપી શકાય નહિ.
આ પણ વાંચો: <a href="https://www.benefitnews24.com/gujarati/crime/50-year-old-woman-gang-raped-in-gir-somnath/20464" target="_blank" rel="noopener">ગીર સોમનાથમાં 50 વર્ષીય મહિલા પર સામૂહિક દુષ્કર્મ</a>
પીડિતા માટે વળતરનો આદેશ 
અદાલતે પોતાના ચુકાદામાં અરુણાચલ પ્રદેશ પીડિત વળતર યોજના, 2011 હેઠળ પીડિતાને વળતર આપવાનો આદેશ પણ આપ્યો છે. આરોપીને આજીવન કારાવાસ અને 20,000નો દંડ ફટકારવામાં આવ્યો છે. જોકે, કાયદાકીય જોગવાઈ મુજબ, આરોપીને ગુવાહાટી હાઈકોર્ટમાં આ ચુકાદા વિરુદ્ધ અપીલ કરવાનો કાયદાકીય અધિકાર આપવામાં આવ્યો છે.

19 વર્ષીયની પિત્રાઈ બહેન પર દુષ્કર્મ

19 વર્ષીયની પિત્રાઈ બહેન પર દુષ્કર્મ કરનાર 23 વર્ષીય યુવકને આજીવન કેદ અને 20,000નો દંડ

October 9, 2025 | 19:17 IST