જમ્મુ-કાશ્મીર: આતંકવાદીઓના નિશાના પર મજૂરો કેમ?

જમ્મુ-કાશ્મીરના પુલવામા જિલ્લાના ત્રાલ વિસ્તારમાં આતંકવાદીઓએ એક પરપ્રાંતિય મજૂરને ગોળી મારીને ઘાયલ કર્યો હતો.

અધિકારીઓએ જણાવ્યું કે, પુલવામા જિલ્લાના ત્રાલના બટગુંડ ગામમાં અજાણ્યા આતંકવાદીઓએ ઉત્તર પ્રદેશના પ્રિતમ સિંહ નામના મજૂરને ગોળી મારીને ઘાયલ કરી દીધી.

અધિકારીઓએ જણાવ્યું હતું કે "તેમને હોસ્પિટલમાં દાખલ કરવામાં આવ્યા છે,"

આ હુમલો ગાંદરબલ જિલ્લાના ગગનગીર વિસ્તારમાં અન્ય રાજ્યોના APCO ઈન્ફ્રાસ્ટ્રક્ચર કંપનીના કામદારોના કેમ્પ પર આતંકવાદી હુમલાના ચાર દિવસ બાદ થયો છે. આ હુમલામાં છ કામદારો અને એક સ્થાનિક ડોક્ટર સહિત સાત લોકો માર્યા ગયા હતા.

પોલીસે બુધવારે હુમલામાં સામેલ બે વિદેશી આતંકવાદીઓની તસવીરો જાહેર કરી હતી. આ તસવીરો કેમ્પમાં લાગેલા સીસીટીવી કેમેરામાંથી લેવામાં આવી છે.

તપાસકર્તાઓએ અત્યાર સુધીમાં 40થી વધુ લોકોની પૂછપરછ કરી છે. NIAની ટીમે પણ આતંકી હુમલાના સ્થળની મુલાકાત લીધી હતી. કહેવામાં આવી રહ્યું છે કે ટીમે ઘટના સ્થળેથી કેટલીક મહત્વપૂર્ણ સુરાગ એકત્ર કરી છે.

જમ્મુ અને કાશ્મીરના લેફ્ટનન્ટ ગવર્નર મનોજ સિન્હાએ મૃતકોના પરિવારજનોને એક્સ-ગ્રેશિયા મંજૂર કરી હતી. APCO કંપનીએ પરિવારના સભ્યોને તાત્કાલિક રાહત તરીકે 25 લાખ રૂપિયા પણ આપ્યા હતા.

આ કામદારો તમામ હવામાન પરિસ્થિતિઓમાં શ્રીનગર-સોનમર્ગ માર્ગને ખુલ્લો રાખવા માટે Z-ટર્ન પર ગગનગીર અને સોનમર્ગ વચ્ચે ટનલના નિર્માણમાં રોકાયેલા હતા. ટનલ કાર્યરત થયા બાદ સોનમર્ગ દરેક સિઝનમાં સુલભ થઈ શકશે. આખા વર્ષ દરમિયાન સોનમર્ગ સાથે કનેક્ટિવિટી જાળવી રાખવાથી સ્થાનિક અર્થતંત્રને મદદ મળશે અને સ્થાનિક લોકો માટે રોજગારીનું સર્જન પણ થશે.