વિદેશ જવા દરમિયાન જીવ ગુમાવવાના અને એજન્ટો દ્વા છેતરપિંડીના અનેક કિસ્સાઓ બહાર આવતા હોવા છતાં મહેસાણા જિલ્લાના યુવાનોમાં વિદેશ જવાની ઘેલછા યથાવત છે. વિદેશ જઈને કારકિર્દી બનાવવાની લ્હાયમાં વિજાપુરના રણાસણના યુવાને જીવ ગુમાવવાનો વારો આવ્યો છે. ઓસ્ટ્રેલિયા મોકલી આપવાના બહાને એજન્ટ દ્વારા 29 લાખ પડાવી લીધા બાદ ફાઈલનું કામ ન થતાં હર્ષિત પટેલે ઝેરી દવા પીને જીવન ટૂંકાવી લીધુ છે. હર્ષિતના આપઘાતથી માતાએ પોતાનો આધાર ગુમાવ્યો છે. હર્ષિત પટેલ પાસેથી મળેલી સુસાઈડ નોટના આધારે વિજાપુર પોલીસે મોતીપુરાના ધાર્મિક પટેલ સામે ગુનો નોંધીને વધુ તપાસ હાથ ધરી છે.

July 7, 2025 | 24:01 IST