ગજ્જબનો ઇગો...મહેણાં ટોણાથી કંટાળી પિતાએ ટેનિસ પ્લેયર દિકરીને ગોળી મારી દીધી

જમાનો બદલાયો છે અને છતાં રુઢિચુસ્ત સમાજનો કેટલોક વર્ગ હજું પણ પછાત માનસિક્તામાં જીવી રહ્યો છે. આધનિક વિચારસરણીને અપનાવવામાં આ વર્ગ ક્યારેય આગળ આવતો નથી અને તેથી જ આજે પણ સમાજમાં એવા કિસ્સા બની રહ્યા છે કે દિકરીને અવગણવામાં આવે છે. હરિયાણામાં આ ચોંકાવનારો કિસ્સો બહાર આવ્યો છે. 

હરિયાણામાં ગુરુવારે એક ટેનિસ ખેલાડીની હત્યા તેના પિતાએ જ એટલા માટે કરી હતી કારણ કે તે સમાજના મહેણા ટોણાથી પરેશાન હતો. લોકો કહેતા હતા કે તું તારી દીકરીની કમાણી ખાઈ રહ્યો છે. હરિયાણાના ગુરુગ્રામ જિલ્લામાં ટેનિસ ખેલાડી રાધિકા યાદવની તેના પિતાએ રસોડામાં રસોઈ બનાવતી વખતે ગોળી મારીને હત્યા કરી દીધી હતી. કુસ્તીબાજો માટે જાણીતા હરિયાણામાં, રાધિકા ટેનિસની એક સંપૂર્ણપણે અલગ દુનિયામાં નામ કમાઈ રહી હતી. રાધિકા એક પ્રતિભાશાળી ખેલાડી હતી. જ્યારે આજે આપણે 11 જુલાઈએ વિશ્વ વસ્તી દિવસ ઉજવી રહ્યા છીએ અને બેટી બચાવો, બેટી પઢાઓ જેવા અભિયાનોમાં વ્યસ્ત છીએ, ત્યારે તે સમયે આવા સમાચાર આવે છે તે સમગ્ર સમાજ માટે શરમજનક છે.

 

એવું પણ કહેવામાં આવી રહ્યું છે કે રાધિકા સોશિયલ મીડિયા પર ખૂબ જ સક્રિય હતી. તેના પિતાને તે રીલ્સ બનાવતી પસંદ નહોતી. પરંતુ, જો આપણે તેની રીલ્સ જોઈએ તો તે ખૂબ જ સ્વચ્છ રીલ્સ બનાવતી હતી. ૨૫ વર્ષીય રાધિકા યાદવ પર ત્રણ રાઉન્ડ ગોળીબાર કરનાર તેના પિતા દીપક યાદવે નિવેદન આપ્યું છે કે રાધિકા તેના આત્મસન્માનને ઠેસ પહોંચાડી રહી હતી.

મીડિયા રિપોર્ટ્સ અનુસાર, રાધિકા ગુરુગ્રામમાં ટેનિસ એકેડેમી ચલાવતી હતી. તેના પિતા દીપક યાદવ આ અંગે ગુસ્સે હતા. દીપકે રાધિકાને ઘણી વખત એકેડેમી બંધ કરવા કહ્યું, પરંતુ રાધિકાએ એકેડેમી બંધ ન કરી. દીપક યાદવને એ વાતનો પણ દુ:ખ થયું કે સંબંધીઓએ તેની પુત્રીની કમાણી ખાવા બદલ તેને ટોણો માર્યો.

૨૦૨૪માં, હરિયાણામાં ૯૧૦નો જેન્ડર રેશિયો નોંધાયો હતો, જે ૨૦૧૪માં ૮૭૧ના જેન્ડર રેશિયો નોંધપાત્ર સુધારો માનવામાં આવે છે. જોકે, તે રાષ્ટ્રીય સરેરાશ ૯૩૩ કરતા ઓછો છે, જે ચિંતાનો વિષય છે. કેટલાક જિલ્લાઓમાં  જેન્ડર રેશિયો 900 કરતા ઓછો છે, જેમ કે ગુરુગ્રામ (859), રેવાડી (868), ચરખી દાદરી (873). વિશ્વ આરોગ્ય સંસ્થા અનુસાર, આદર્શ જેન્ડર રેશિયો 950 હોવો જોઈએ. હરિયાણા સરકાર સતત જેન્ડર રેશિયો સુધારવા માટે કામ કરી રહી છે. તો પછી દીપક યાદવના મનમાં આટલો અંધકાર કેમ હતો?

વિનેશ ફોગાટ, એન્ટિમ પંઘાલ, અંશુ મલિક, નિશા દહિયા અને રિતિકા હુડાએ હરિયાણામાં કુસ્તીમાં પોતાની ક્ષમતા સાબિત કરી છે. તે જ સમયે, શૂટિંગમાં મનુ ભાકર જેવા પ્રતિભાશાળી ખેલાડીઓ છે. ભજન કૌરે તીરંદાજીમાં પ્રથમ વખત ભારતનું પ્રતિનિધિત્વ કરવાનું સન્માન મેળવ્યું છે. પ્રીતિ પંવાર અને જાસ્મીન લંબોરિયાએ બોક્સિંગમાં પોતાની હાજરી નોંધાવી છે. આવા હરિયાણા માટે મોટો પ્રશ્ન એ છે કે શું આ રાજ્યમાં પ્રાચીન કાળની માનસિકતા હજુ સુધી સમાપ્ત થઈ નથી.?

 

હરિયાણાની દીકરીઓનો સંઘર્ષ અને ફોગાટ બહેનો, સાક્ષી મલિક જેવી દીકરીઓ કુસ્તીમાં, જે પુરુષોની રમત માનવામાં આવે છે, તેણે દુનિયામાં દેશનું ગૌરવ વધાર્યું છે. પરંતુ, દીપક જેવા પિતા સંકુચિત રહ્યા. તે એવી જગ્યાના તે અંધારા કૂવામાં જીવી રહ્યો છે જ્યાં દીકરીઓની કમાણીને પાપ માનવામાં આવે છે અને જે પોતાની દીકરીના નામ આગળ પોતાનું નામ ઉમેરવામાં શરમ અનુભવે છે. આ હતાશ વિચારસરણીએ જ તેને એવું પાપ કરવા મજબૂર કર્યું કે આખા હરિયાણા વર્ષો સુધી શરમ અનુભવશે.

વડોદરાના જાણીતા મહિલાવાદી કાર્યકર શોભના રાવલે આ ઘટનાને કૃર ગણાવીને પુરુષોના ઇગો પર પ્રહાર કર્યા છે. તેમણે બેનિફીટ ન્યુઝ સાથે વાત કરતાં પ્રશ્ન કર્યો કે પુરુષોમાં આટલો બધો ઇગો કે જે કોઇ સ્ત્રી અને તેમાં પણ પોતાની સગી દીકરીની પ્રગતિ ના જોઇ શક્યો ?

તેમણે કહ્યું કે પુરુષોનો ઇગો હાઇલેવલ પહોંચે ત્યારે આવી ઘટનાઓ બને છે અને ત્યારે તે કોઇનો પતિ, ભાઇ કે પછી સાચો દોસ્ત કેમ ના હોય...પણ સ્ત્રીની પ્રગતિ જોઇ શકતો નથી. આવી ઘણી ઘટના અત્યારે સમાજમાં બને છે જ્યાં સ્ત્રીને ઇગ્નોર કરવામાં આવે છે. સ્ત્રીની તાકાતનો તેને અંદાજ નથી. સ્ત્રી સુંદર છે તેમાં જ પુરુષોને રસ હોય છે પણ સ્ત્રી શું કરી છે કે તે વિચારવાની તેનામાં ક્ષમતા જતી રહે છે આ વ્યક્તિ પોતાના પુરુષ ઇગોમાં ભાન ભુલી ગયો અને સમાજની નજરમાંથી ઉતરી ગયો છે. આ કેવો શખ્સ કહેવાય કે તે પોતાની સગી દીકરીની પ્રગતી ના જોઇ શક્યો. આ સાથે તેના ઘડતર અને સંસ્કારનું પણ એટલું જ મહત્વ છે. જો તે જ પોતે સંસ્કારી અને વિચારશીલ હોય તો પોતાના મેલ ઇગોને કાબુમાં રાખી શક્યો હોત

આ પણ વાંચો--

નામચીન ડ્રગ માફિયા કુબ્બાવાલા મુસ્તફાનું યુએઈથી પ્રત્યાર્પણ