વડોદરામાં ઉતરાયણની રાત્રે નશામાં ધૂત બનેલા ડેપ્યુટી મામલતદારે અકસ્માત સર્જતા ખળભળાટ મચી ગયો છે. નશામાં ધૂત બનેલા ડેપ્યુટી મામલતદારની અકોટા પોલીસે પણ ધરપકડ કરી છે.&nbsp;
મળી રહેલા સમાચાર મુજબ વડોદરામાં ડેપ્યુટી મામલતદાર તરીખે ફરજ બજાવતા નરેશ વણકર ઉતરાયણની રાત્રે જેતલપુર બ્રિજ પાસેથી પસારથઇ રહ્યા હતા ત્યારે તેમણે અકસ્માત સર્જ્યો હતો.&nbsp;
તેમણે કાર પર કાબુ ગુમાવી દેતાં તેમની કાર રસ્તાની સાઇડમાં અથડાઇ હતી. રસ્તાની સાઇડ પર જ્યાં ખોદકામ ચાલતું હતું ત્યાં જ તેમની કાર સીધી ઉતરી ગઇ હતી.તેમની કાર અથડાઇ હોવા છતાં નરેશ વણકર હોશમાં જ ન હતા.&nbsp;
ઘટનાની જાણ થતાં સ્થાનિો એકત્ર થઇ ગયા હતા અને કાર ચલાવી રહેલા નરેશ વણકરની તપાસ કરતાં તેઓ કારની સીટ પર &nbsp;ઉંઘતા જોવા મળ્યા હતા. લોકોએ તેમને ઢંઢોળ્યા હતા પણ તેમને હોશ સુધ્ધાં ના હતો. તેમણે નશો કર્યો હોવાનું ધ્યાનમાં આવ્યું હતું. તેમની કારમાંથી નંબર પ્લેટ પણ મળી આવી હતી.
ઘટનાની જાણ થતાં લોકોએ તત્કાળ પોલીસને જાણ કરી હતી. પોલીસે સ્થળ પર પહોંચીને નરેશ વણકરની અટકાયત કરી હતી અને આ મામલે ઉંડી તપાસ શરુ કરી હતી.&nbsp;

ડેપ્યુટી મામલતદાર નરેશ વણકરે જેતલપુર બ્રિજ પાસે અકસ્માત કરતા અકોટા પોલીસે અટકાયત કરી 

January 15, 2025 | 11:46 IST