ડ્રગ માફિયાનું અપહરણ, ડી.ગેંગ અને વડોદરા કનેક્શન

ડ્રગ માફિયા સાજિદ ઇલેક્ટ્રિકવાલાના અપહરણ અને 3 કરોડ રૂપિયાની ખંડણી માંગવાના કેસમાં મુંબઈ ક્રાઈમ બ્રાન્ચે ચોંકાવનારો ખુલાસો કર્યો છે. તપાસમાં જાણવા મળ્યું છે કે સાજિદના પરિવારે તેની મુક્તિના બદલામાં આપેલી 50 લાખ રૂપિયાની ખંડણીમાંથી 40 લાખ રૂપિયાની મોટી રકમ ડી ગેંગના કુખ્યાત સાગરિત સરવર ખાનને આપવામાં આવી હતી. સરવર છોટા શકીલના ભાઈ અનવર બાબુ શેખનો ખૂબ નજીક માનવામાં આવે છે. બીજી તરફ આ અપહરણના મામલામાં મુંબઇ પોલીસે દિપક શર્મા નામના રીઢા ગુનેગારની પણ ધરપકડ કરી છે.

મળેલી માહિતી મુજબ ડ્રગ માફિયા  સાજીદ ઇલેકટ્રીકવાલા અપહરણ કેસમાં ક્રાઈમ બ્રાન્ચે અત્યાર સુધીમાં 9 આરોપીઓની ધરપકડ કરી હતી. આ ગુનામાં દીપક નંદકિશોર શર્મા વોન્ટેડ હતો. આ દરમ્યાન મુંબઈ ક્રાઈમ બ્રાંચને બાતમી મળી હતી કે દીપક શર્મા તેની પત્ની સાથે વડોદરામાં  ન્યૂ.વી આઈ પી રોડ પર આવેલી મોતીપાર્ક સોસાયટીના મકાનમાં તેની પત્ની સાથે રહે છે.

 જેથી મુંબઈ ક્રાઈમ બ્રાંચની ટીમે વડોદરામાં બાપોદ પોલીસની મદદથી દીપક શર્મા ઉર્ફે દીપો જાડિયોના ઘર પર દરોડો પાડ્યો હતો અને દીપકને ઝડપી લીધો હતો. દીપકના ઘરમાં પોલીસે તલાશી લેતાં કબાટમાંથી દેશી બનાવટનો એક તમંચો અને પાંચ જીવતા કારતુસ મળી આવ્યા હતા. આરોપી દીપક અપહરણ દરમિયાન આઠ દિવસ સુધી ગેંગમાં ઉપસ્થિત હોવાનું સામે આવ્યું હતું.

 પોલીસના કહેવા મુજબ દિપો જાડીઓ ઉર્ફે દિપક નંદકિશોર શર્મા ગુનાહિત ઇતિહાસ ધરાવતો એક રીઢો આરોપી છે. જેની વિરૂદ્ધ અત્યાર દહીસર ફાયરિંગ કેસ (મુંબઈ), નકલી ચલણી નોટ કૌભાંડ (ઉદયપુર), હત્યાની કોશિશ, મારામારી સહીત 10થી વધુ ગંભીર ગુનાઓ નોંધાયા છે.

ચાર વર્ષ સુધી જેલમાં રહ્યા બાદ થોડા દિવસ અગાઉ જ દિપક વડોદરા આવ્યો હતો અને ત્યારબાદ હવે તેની સંડોવણી મુંબઈના ડ્રગ માફિયાના અપહરણ કેસમાં ખુલ્લી પડી છે. મુંબઈ ક્રાઈમ બ્રાન્ચે દિપક શર્માની ધરપકડ કરી તેને મુંબઈ લઈ ગઈ છે અને આવતીકાલે તેને કોર્ટમાં રજૂ કરી રિમાન્ડની તજવીજ હાથ ધરશે. ગત 18મી તારીખે શહેર ક્રાઇમ બ્રાંચે રાજપીપળાના એક ગુનામાં જેલમાંથી ગુનામાં ઝડપી પાડ્યો હતો. જ્યારે સાજીદને અપહરણ મામલામાં સાજીદને દિપક સહિત 10 આરોપીને ટોળકીને 4 જુદા જુદા સ્થળોએ ગોંધી રાખ્યો હોવાનો પણ ફરિયાદમાં ઉલ્લેખ છે.

પોલીસની શરૂઆતની તપાસમાં જાણવા મળ્યું હતું કે 10 લાખ રૂપિયાની બાકીની ખંડણીની રકમ ડ્રગ માફિયા  સાજિદના અપહરણમાં મદદ કરનારા અન્ય આરોપીઓમાં વહેંચવામાં આવી હતી. ડ્રગ માફિયા  સાજિદના પરિવારને આશા હતી કે પૈસા ચૂકવ્યા પછી તેને છોડી દેવામાં આવશે, તેથી જ તેઓએ લાંબા સમય સુધી પોલીસમાં ફરિયાદ કરી ન હતી. પરંતુ આરોપીઓની યોજના ફક્ત અપહરણ સુધી મર્યાદિત નહોતી, તેઓ ડ્રગ ફેક્ટરીના રોકાણ પર વ્યાજ સહિત 3 કરોડ રૂપિયાની માંગણી કરી રહ્યા હતા.

મુંબઇ ક્રાઈમ બ્રાન્ચે જણાવ્યું હતું કે આરોપીઓની શોધખોળ દરમિયાન, તેઓ બે વાર પોલીસથી ભાગી ગયા હતા. સતત સ્થાન બદલવાને કારણે, તેઓ એક અઠવાડિયા સુધી પોલીસને છટકી રહ્યા. મુખ્ય આરોપી સરવર ખાન સામે પહેલાથી જ VP રોડ, BKC, ખેરવાડી અને RAK પોલીસ સ્ટેશનમાં 17 ગંભીર કેસ નોંધાયેલા છે. લૂંટના કાવતરા માટે તેની પહેલી ધરપકડ 2011 માં કરવામાં આવી હતી.

 1984 માં ભારતથી પાકિસ્તાન ભાગી ગયેલા અનવર બાબુ શેખ પર હત્યા અને ખંડણી જેવા ગંભીર આરોપો છે. 2021 માં, તેનું નામ બિલ્ડરને ધમકી આપવાના કેસમાં સામે આવ્યું હતું. આ અપહરણ કામગીરીમાં સરવર સાથે સંકળાયેલા અન્ય ગુનેગારોમાં યુનુસ, મહેતાબ અલી અને સતીશ કડુ (અગાઉનો કોઈ ગુનાહિત રેકોર્ડ નથી), તૌસિફ ઝૈદી (દેવનાર અને તિલક નગરમાં છેડતી અને શસ્ત્ર કાયદા હેઠળ નોંધાયેલા કેસ), રાહુલ સાવંત (થાણે અને બદલાપુરમાં 6 કેસ) અને સૌથી ખતરનાક નામ સંતોષ વાઘમારે છે, જેની સામે MCOCA, શસ્ત્ર કાયદા, ગેરકાયદેસર દારૂની દાણચોરી, હુમલો સહિત 12 કેસ નોંધાયેલા છે. વાઘમારેના ગુનાઓ જોગેશ્વરી, જેજે માર્ગ, માહિમ, MIDC, BKC, રેવદંડા સહિત ઘણા પોલીસ સ્ટેશનોમાં નોંધાયેલા છે.