જાફરાબાદમાં ધારાસભ્ય હિરા સોલંકીના જમાઈની દાદાગીરી, બોટ મુકવા બાબતે રિવોલ્વર કાઢી

અમરેલીના જાફરાબાદમાં ધારાસભ્ય હીરા સોલંકીના જમાઈ પર હુમલો થયો હોવાની ઘટના સામે આવી છે. હીરા સોલંકીના જમાઈ ચેતન શિયાળની મોડી રાતે સામા કાંઠા વિસ્તારમાં બોટ મુકવા બાબતે સ્થાનિકો સાથે બબાલ થઈ હતી.આ બબાલમાં ભાજપના નેતા ચેતનભાઈ શિયાળનો રિવોલ્વર કાઢી હતી. જો કે રિવોલ્વર કાઢતા ચેતન શિયાળ પર ઘતાક હુમલો કરવામાં આવ્યો હતો.જેમાં તેમને માથાના ભાગે ગંભીર ઇજાઓ પહોંચી છે    ચેતન શિયાળ કે  જે અમરેલી જિલ્લા યુવા ભાજપના પ્રમુખ છે. જેમના દ્વારા રિવોલ્વર કાઢીને દાદાગીરી કરવામાં આવી હતી. ઉગ્ર બબાલમાં  માછીમાર યુવકના હાથની આંગળીના ભાગે ગોળી વાગી છે. જે બાદ મામલો વધારે બીચક્યો હતો અને કેટલાક યુવકો દ્વારા તેમના પર  હુમલો કરવામાં આવ્યો હતો. ચેતન શિયાળ ઉપર હુમલા સમયનો વીડિયો વાયરલ થયો છે. ચેતન શિયાળને ગંભીર ઈજાઓ થતા ભાવનગર હોસ્પિટલ ખસેડાયા છે. ચેતન શિયાળ તેમજ એક અન્ય યુવાન પણ ઇજાગ્રસ્ત થયો છે. ઘટનાને પગલે ધારાસભ્ય હીરા સોલંકી સહિત સમર્થકો હોસ્પિટલ દોડી આવ્યા હતા. જ્યારે જાફરાબાદ શહેરમાં પોલીસ બંદોબસ્ત ગોઠવાયો છે.     હુમલા મામલે જાફરાબાદ મરીન પોલીસ સ્ટેશનમાં ફરિયાદ નોંધાઈ છે. 6 લોકો સામે હુમલો અને ચેઈન લૂંટી ગયાની ફરિયાદ નોંધાઈ છે. 80,000ની ચેઇન લૂંટી મારી નાખવાની કોશિશ કરી જીવલેણ હુમલો કરી માર માર્યાની ફરિયાદ થઇ છે. યશવંત બારૈયા, સિદ્ધાર્થ બારૈયા, સંજય બારૈયા, ટ્રેક્ટરના ડ્રાયવર, અન્ય બોટનો ખલાસી સહિત 6 લોકો સામે ગુનો નોંધાયો છે.