અમદાવાદના વસ્ત્રાપુરમાં 75 વર્ષીય NRIનો મૃતદેહ મળ્યો, થયો ચોંકાવનારો ખુલાસો 

અમદાવાદ: ગુજરાતના અમદાવાદ શહેરમાંથી એક ચોંકાવનાર કિસ્સો સામે આવ્યો છે. શહેરના વસ્ત્રાપુર વિસ્તારમાં કેનેડાથી પરત આવેલા 75 વર્ષીય કનૈયાલાલ ભાવસારનો પોતાના જ ઘરમાંથી મૃતદેહ મળતાં ચકચારી મચી ગઈ હતી. શરૂઆતમાં કુદરતી મૃત્યુ જેવી દેખાતી આ હત્યાએ પોલીસને ચકરાવે ચઢાવી હતી. જોકે, પોલીસે ઝડપી કાર્યવાહી કરી બે આરોપીઓને ઝડપી પાડ્યા છે. 

13 જાન્યુઆરીએ, અમદાવાદના વસ્ત્રાપુર વિસ્તારમાં મોહિની ટાવરમાં કનૈયાલાલ ભાવસારનો મૃતદેહ તેમના ઘરમાંથી મળી આવ્યો હતો. તેમને સિક્યોરિટી ઓફિસમાં પ્રવેશ કરવા પર કોઈ પુરાવા ન મળતાં, આ મૃત્યુ કુદરતી માની લેવામાં આવ્યું હતું. 

પોસ્ટમોર્ટમ રિપોર્ટ બાદ આ ઘટનાનો અસલી પાત્ર ખુલ્લો થયો. પોલીસે વધારાની તપાસ કરતા જાણ્યું કે જ્યારે કનૈયાલાલ તેમના ઘરમાં એકલા હતા, ત્યારે બપોરે એન્ટ્રીના વિના એ અનકાઉન્ટેડ મહિલાએ એ રીતે દરવાજો ખોલાવ્યો હતો. એક મહિલા સિક્યોરિટી ઓફિસમાં એન્ટ્રી કર્યા વિના જ પ્રવેશ કરવા દેવામાં આવ્યો હતો. બાદમાં પોલીસે આ અજાણી મહિલાને શંકાસ્પદ ગણી તપાસ હાથ ધરી. વધુ તપાસ કરતાં જાણ થઈ કે, ઘરમાંથી અનેક કિંમતી ઘરેણા અને મોંઘી વસ્તુઓ ગુમ થઈ હતી. બાદમાં, પોલીસે શંકાસ્પદ મહિલા અને તેની સાથીની ધરપકડ કરી આ વિશે વધુ તપાસ હાથ ધરી હતી.

તપાસ દરમિયાન સામે આવ્યું કે, કેનેડાના કાયમી નિવાસી કનૈયાલાલ ભાવસાર વારંવાર અમદાવાદ આવતા હતાં. જ્યાં તેઓ એક સ્પામાં જતાં. આ સ્પામાં તેમની મુલાકાત હીના નામની યુવતી સાથે થઈ હતી. આ લૂંટની યોજનામાં હીનાએ આનંદ નામના વ્યક્તિને સાથે રાખ્યો હતો. કનૈયાલાલ અમદાવાદ આવ્યા એવી માહિતી મળતાં જે તેણે લૂંટની યોજના બનાવી. તે કનૈયાલાલને તેમના ઘરે મળવા ગઈ અને જેવી તક મળી કે, તેમને બેભાન કરી દીધાં. બાદમાં કોઈને ધ્યાને ન આવે તેમ આનંદને ઘરમાં પ્રવેશ કરાવી ઘરની તમામ કિંમતી વસ્તુઓ ચોરી કરી રહ્યા હતાં. જોકે, આ દરમિયાન કનૈયાલાલને આંશિક રીતે ભાનમાં આવતા હીનાની યોજના નિષ્ફળ થઈ રહી હતી. ત્યારે હીનાએ ગભરાઈને કનૈયાલાલ ભાવસારનું ગળુ દબાવી તેમની હત્યા કરી ચોરેલી વસ્તુ ત્યાંથી લઈને ભાગી ગયાં.