અસમના કાર્બી આંગલોંગ જિલ્લામાંથી માનવતાને કલંકિત કરતો એક કિસ્સો પ્રકાશમાં આવ્યો છે, જ્યાં મેલીવિદ્યાની શંકાના કારણે એક દંપતીને જીવતું સળગાવીને મોતને ઘાટ ઉતારી દેવામાં આવ્યું છે. આ ઘટના મંગળવારે હૌરાઘાટ વિસ્તારના નંબર 1 બેલોગુરી મુંડા ગામમાં બની હતી. મૃતકોની ઓળખ 43 વર્ષીય ગાર્ડી બિરોવા અને 33 વર્ષીય મીરા બિરોવા તરીકે થઈ છે. સ્થાનિક સૂત્રોના જણાવ્યા અનુસાર, હુમલાખોરોએ પહેલા દંપતી પર તીક્ષ્ણ હથિયારો વડે ઘાતકી હુમલો કર્યો હતો અને ત્યારબાદ તેમને ઘરની અંદર જ પૂરીને ઘરને આગ લગાવી દીધી હતી, જેના કારણે મેલીવિદ્યાની શંકાને લીધે દંપતીનું ઘટના સ્થળે જ કમકમાટીભર્યું મોત નીપજ્યું હતું.
'અસમ વિચ હન્ટિંગ અધિનિયમ' 
પોલીસ અધિકારીઓએ જણાવ્યું હતું કે, આ વિસ્તાર લાંબા સમયથી અંધશ્રદ્ધાની પકડમાં છે અને અફવાઓના કારણે નિર્દોષ લોકોએ ભોગ બનવું પડે છે. મેલીવિદ્યાની શંકાના આધારે કરવામાં આવેલા આ જઘન્ય હત્યાકાંડ બાદ પોલીસે તાત્કાલિક કાર્યવાહી કરીને તમામ આરોપીઓની ધરપકડ કરી લીધી છે. જોકે, આ ઘટનાએ અસમમાં ફરી એકવાર વિચ-હન્ટિંગના ભયને જાગૃત કર્યો છે. ઉલ્લેખનીય છે કે, અસમ સરકારે આ પ્રકારની અંધશ્રદ્ધાને રોકવા માટે વર્ષ 2015માં 'અસમ વિચ હન્ટિંગ અધિનિયમ' અમલમાં મૂક્યો હતો, જે અંતર્ગત કડક સજા અને દંડની જોગવાઈ છે.&nbsp;
મેલીવિદ્યાની શંકા જેવી અમાનવીય પ્રથાઓનો અંત
આમ છતાં, છેલ્લા 10 વર્ષમાં રાજ્યમાં મેલીવિદ્યાની શંકાને કારણે 100થી વધુ લોકોએ જીવ ગુમાવ્યા છે. પોલીસ હાલ આ મામલે વધુ તપાસ કરી રહી છે જેથી આ હત્યા પાછળના મુખ્ય સૂત્રધારોને કડક સજા અપાવી શકાય છે. સામાજિક કાર્યકરોનું કહેવું છે કે, કાયદાની સાથે પછાત વિસ્તારોમાં જનજાગૃતિ લાવવી પણ અનિવાર્ય છે જેથી મેલીવિદ્યાની શંકા જેવી અમાનવીય પ્રથાઓનો અંત લાવી શકાય.

દંપતીને ઘરની અંદર સળગાવ્યા

મેલીવિદ્યાની શંકા રાખીને ગ્રામીણોના એક ટોળાએ દંપતી પર હુમલો કર્યા બાદ તેમને જીવતા સળગાવ્યા

December 31, 2025 | 22:14 IST