આ કેવો લવ જેહાદ, પત્નીએ પતિને ધર્મ બદલવા કર્યું..

કર્ણાટકના ગડગમાં લવ જેહાદનો એક વિચિત્ર કિસ્સો સામે આવ્યો છે. બેટાગેરી વિસ્તારના ગાંધી નગરમાં રહેતા  વિશાલ કુમાર ગોકવીએ તેની પત્ની તહસીન હોસમાની અને તેના પરિવાર પર ગંભીર આરોપ લગાવ્યા છે. વિશાલ કુમારનો આરોપ છે કે તહસીન અને તેના પરિવારે તેને ધમકી આપી હતી કે જો તે ઇસ્લામ ધર્મ સ્વીકારશે નહીં તો તેની સામે દુષ્કર્મનો કેસ નોંધીને તેને જેલમાં મોકલી દેવામાં આવશે. હિન્દુ સંગઠનોએ આ લવ જેહાદ મામલે તહસીન અને તેના પરિવાર સામે કડક કાર્યવાહીની માંગ કરી છે. સ્થાનિક પોલીસને તપાસ કરીને યોગ્ય કાર્યવાહી કરવા પણ તાકીદ કરવામાં આવી છે.

લવ જેહાદના આ મામલામાં વિશાલ કુમારનો દાવો છે કે તહસીન સાથે ત્રણ વર્ષના પ્રેમ સંબંધ પછી, બંનેએ 24 નવેમ્બર 2024 ના રોજ તેમના લગ્ન નોંધાવ્યા હતા.ત્યાર બાદ બંનેએ 25 એપ્રિલ 2025 ના રોજ મુસ્લિમ રીતરિવાજ મુજબ લગ્ન પણ કર્યા. યુવકનો આરોપ છે કે આ સમય દરમિયાન તેની જાણ વગર તેનું નામ બદલી નાખવામાં આવ્યું હતું. તહસીન અને તેની માતા બેગમ બાનોએ તેને નમાઝ પઢવા અને જમાતમાં જવા માટે દબાણ કર્યું અને તેને હિન્દુ ધર્મ છોડીને ઇસ્લામ ધર્મ અપનાવવા કહ્યું. 

આ દરમિયાન, નિકાહનો એક વીડિયો સોશિયલ મીડિયા પર વાયરલ થયો, જેનાથી લવ જેહાદનો મુદ્દો વધુ વકર્યો. વિશાલ કહે છે કે તહસીન અને તેનો પરિવાર શરૂઆતમાં હિન્દુ રીતરિવાજ મુજબ ફરીથી લગ્ન કરવા માટે સંમત થયા હતા, પરંતુ બાદમાં કેટલાક મુસ્લિમ નેતાઓના દબાણ હેઠળ તેમણે ના પાડી દીધી. યુવકે દાવો કર્યો હતો કે જો તે ધર્મ પરિવર્તન નહીં કરે તો તેને ખોટા દુષ્કર્મનો આરોપ લગાવીને જેલમાં મોકલવાની ધમકી આપવામાં આવી હતી.

આ પણ વાંચો---

 કોહલી અને RCB બેંગ્લુરૂ નાસભાગ માટે જવાબદાર