કર્ણાટકમાં ઇઝરાયેલી પ્રવાસી સહિત 2 મહિલા પર ગેંગ રેપ

કર્ણાટકની 27 વર્ષીય ઇઝરાયલી પ્રવાસી સહિત બે મહિલાઓ પર ગેંગ રેપનો મામલો પ્રકાશમાં આવ્યો છે. ગુરુવારે રાત્રે બે મહિલાઓ પર ત્રણ પુરુષો દ્વારા સામૂહિક દુષ્કર્મ આચરાયુ હતું. આ ઘટના ત્યારે બની જ્યારે તેઓ બેંગલુરુના ટેક હબથી લગભગ 350 કિમી દૂર કોપ્પલમાં રાત્રે 11:30 વાગ્યે એક નહેરના શાંત કિનારે બેઠેલા હતા

આરોપીઓએ મહિલાઓને નિશાન બનાવતા પહેલા ત્રણ અન્ય પ્રવાસીઓને નહેરમાં ધકેલી દીધા હતા. ફરિયાદીના જણાવ્યા મુજબ, યુએસએથી ડેનિયલ અને મહારાષ્ટ્રથી પંકજ અકસ્માતમાંથી બચી જવામાં સફળ રહ્યા. જ્યારે ઓડિશાનો બિવાશ હજુ પણ ગુમ છે.

રિપોર્ટ અનુસાર, એક વરિષ્ઠ પોલીસ અધિકારીએ ખાતરી આપી છે કે આરોપીની ટૂંક સમયમાં ધરપકડ કરવામાં આવશે. પોલીસે જણાવ્યું કે ક્રૂરતાનો ભોગ બન્યા બાદ મહિલાઓને સરકારી હોસ્પિટલમાં દાખલ કરવામાં આવી છે.

કોપ્પલના પોલીસ અધિક્ષક રામ એલ અરસિદ્દીએ જણાવ્યું હતું કે, "સનાપુર નજીક પાંચ પુરુષોએ બે મહિલાઓ અને ત્રણ પુરુષો પર હુમલો કર્યો હતો." તેમાંથી બે વિદેશી છે. એક અમેરિકન છે અને બીજી ઇઝરાયલી મહિલા છે. મહિલાએ પોતાની ફરિયાદમાં જણાવ્યું હતું કે આરોપીએ તેમને માર મારવા ઉપરાંત બંને મહિલાઓ પર જાતીય હુમલો પણ કર્યો હતો.

આરોપી બાઇક પર આવ્યા હતા

પોતાની ફરિયાદમાં, હોમસ્ટેની માલિક 29 વર્ષીય મહિલાએ જણાવ્યું હતું કે તે અને ચાર મહેમાનો રાત્રિભોજન પછી તુંગભદ્રા લેફ્ટ બેંક કેનાલ પર તારાઓ જોવા ગયા હતા ત્યારે આરોપી બાઇક પર આવ્યા હતા

ફરિયાદમાં કહેવામાં આવ્યું છે કે તેઓએ પહેલા પેટ્રોલ વિશે પૂછપરછ કરી હતી અને પછી પ્રવાસી પાસેથી 100 રૂપિયા માંગવા લાગ્યા. જ્યારે ના પાડી દેવામાં આવી, ત્યારે તેઓએ મુસાફરો પર હુમલો કર્યો અને મહિલાઓ પર દુષ્કર્મ કર્યું હતું. ગુનો કર્યા પછી તેઓ બાઇક પર ભાગી ગયા હતા. ફાયર બ્રિગેડના અધિકારીઓ અને પોલીસ ડોગ સ્ક્વોડ ગુમ થયેલા પ્રવાસીને શોધી રહ્યા છે. પોલીસે જણાવ્યું હતું કે મહિલાઓને સરકારી હોસ્પિટલમાં દાખલ કરવામાં આવી હતી પરંતુ જો તેઓ ઈચ્છે તો તેમને ખાનગી હોસ્પિટલમાં ખસેડી શકાય છે.

ગુમ થયેલા પ્રવાસીની શોધ ચાલુ છે

ફરિયાદના આધારે પોલીસે  દુષ્કર્મ, ગેંગરેપ અને લૂંટના આરોપો હેઠળ કેસ નોંધ્યો છે. મહિલાઓએ ફરિયાદ નોંધાવ્યા બાદ તાત્કાલિક કાર્યવાહી કરવામાં આવી હોવાનું અરસિદ્ધિએ જણાવ્યું હતું. તેમણે કહ્યું કે આરોપીઓની ઓળખ કરવામાં આવી રહી છે અને બે ખાસ ટીમો આ કેસની તપાસ કરી રહી છે. તેમણે કહ્યું કે દુષ્કર્મ પુષ્ટિ કરવા માટે મહિલાઓનું મેડિકલ ચેકઅપ કરવામાં આવ્યું છે. ગઈકાલથી ફાયર અધિકારીઓ અને પોલીસ ડોગ સ્ક્વોડ ગુમ થયેલા પ્રવાસીને શોધી રહ્યા છે.