16 વર્ષની તરૂણીને માતાના પ્રેમીએ દારૂ પીવડાવી બેલ્ટથી મારી, દુષ્કર્મ આચર્યુ ,બે વર્ષ શોષણ કર્યુ

સુરતના રાંદેર રોડ-પાલનપુર પાટિયા વિસ્તારમાં રહેતી મહિલાના પ્રેમીએ તેણીની 16 વર્ષીય પુત્રીને દારૂ પીવડાવ્યા પછી બેલ્ટ વડે માર મારી હવસનો શિકાર બનાવ્યા બાદ છેલ્લા બે વર્ષથી શારિરીક શોષણ કરી જધન્ય કૃત્ય આચરતો હોવાની ફરિયાદ અડાજણ પોલીસમાં નોંધાયો છે. પોલીસે મહિલાના હવસખોર પ્રેમી એવા પરવટ પાટિયાની આરબીસી કીડ્ઝ ઝોન પ્રિ-સ્કૂલના સંચાલકની ધરપકડ કરી છે.

અડાજણ પોલીસ સ્ટેશનના ચોપડે ગત રોજ ચોંકાવનારો કિસ્સો નોંધાયો હતો. મામા-મામી સાથે પોલીસ સ્ટેશન પહોંચેલી રાંદેર રોડ-પાલનપુર પાટિયા વિસ્તારમાં રહેતી 18 વર્ષીય કોલેજમાં અભ્યાસ કરતી બિંદીયા (નામ બદલ્યું છે) એ ઓટો શો-રૂમમાં નોકરી કરતી માતાના પ્રેમી કેતન બાબુભાઇ પરમાર (ઉ.વ. 41 રહે. જલારામ નગર સોસાયટી વિભાગ-3, મોડલ ટાઉન પાસે, પરવટ પાટિયા) વિરૂધ્ધ ફરિયાદ નોંધાવતા જણાવ્યું હતું કે જૂન 2022 માં તેની માતા નોકરી ઉપર ગઇ હતી.

જયારે ઇલેક્ટ્રીકનું કામ કરતા પિતા ચેક રીટર્ન કેસમાં જેલમાં હતા ત્યારે કેતન રાબેતા મુજબ ઘરે આવ્યો હતો. જે તે વખતે 16 વર્ષીય બિંદીયાની એકલતાનો લાભ લઇ કેતને જબરજસ્તી દારૂ પીવડાવ્યો હતો. દારૂ પીવડાવ્યા બાદ કેતને બિંદીયા ઉપર નજર બગાડી પોતાની હવસ સંતોષવા અડપલા કર્યા હતા.