વિજાપુર નજીક દીવાલ થઈ ધરાશાયી, 6 મજૂરો દટાયા, 3ના થયા મૃત્યુ

મહેસાણા જિલ્લાના વિજાપુર તાલુકામાં એક દુઃખદ દુર્ઘટના બની હતી. વિજાપુર નજીક આવેલા સુંદરપુરા ગામના મહાદેવવાળા વાસ વિસ્તારમાં મકાનના પાયા માટે ખોદકામ ચાલી રહ્યું હતું. આ દરમિયાન બાજુના મકાનની દીવાલ અચાનક ધરાશયી થઇ ગઈ, જેને કારણે 6 મજૂરો તેના ભોગ બન્યા હતા.

દૂર્ઘટનામાં 3 મજૂરોના મૃત્યુ થયા હતા અને અન્ય 3 ગંભીર રીતે ઇજાગ્રસ્ત થયા છે. દરેક મજૂરને તાત્કાલિક રીતે મિટાવીને બહાર કાઢવામાં આવ્યા હતા અને ઇજાગ્રસ્તોને સારવાર માટે વિજાપુર સિવિલ હોસ્પિટલ ખાતે ખસેડવામાં આવ્યા છે.

દીવાલ ધસી પડ્યાની જાણ થતા ગ્રામજનો મોટી સંખ્યામાં ઘટનાસ્થળે ઉમટી પડ્યા હતા. 108 એમ્બ્યુલન્સ અને બચાવ ટીમ તરત જ ઘટનાસ્થળે પહોંચી ગઈ હતી. આ ઘટનાને પગલે સમગ્ર વિસ્તારમાં શોકની લાગણી પ્રસરી ગઈ છે.