વિશ્વામિત્રીનો વિશાળ મગર મહિલાને ખેંચી ગયો

વડોદરા: વડોદરા નજીક વિશ્વામિત્રી નદીમાં મગર દ્વારા વધુ એક વ્યક્તિનો શિકાર કરવામાં આવ્યો હોવાનો બનાવ સામે આવ્યો છે. આ ઘટનાની જાણ થતાં જ ફોરેસ્ટ વિભાગે ફાયર બ્રિગેડની મદદ લીધી છે.

કામરોલ ગામથી પસાર થતી વિશ્વામિત્રી નદીમાં મગરો વારંવાર દેખાતા રહે છે. આ વિસ્તારમાં ખેતરો બચાવવાના કામે જોડાયેલા ઘણા શ્રમજીવી પરિવારો પણ વસે છે. 

ગઈકાલે મોડી સાંજે એક મહિલા નદીના કિનારે ગઈ હતી, તે દરમ્યાન એક મગર તેને નદીમાં ખેંચી લઈ ગયો. આ બનાવને જોઈને ગામના લોકો ભેગા થઈ ગયા. ઘટનાની જાણ ફોરેસ્ટ વિભાગને કરવામાં આવી, જેના પગલે ફાયર બ્રિગેડની ટીમને મદદ માટે બોલાવવામાં આવી. પાણીગેટ ફાયર બ્રિગેડની ટીમ કામરોલ, કોટાલી અને માંગરોલ ગામોમાં શોધખોળ કરી રહી છે.