VADODARA : શહેરમાં ચાલતી બહુમાળી ઈમારતોના બાંધકામ માટે 26 બિલ્ડરોને નોટિસ

વડોદરા મહાનગરપાલિકા દ્વારા ચોમાસાની તૈયારીના ભાગરૂપે શહેરમાં ચાલી રહેલા વિકાસકાર્યોમાં જાગૃતિ અને તકેદારી દાખવવા માટે મહત્વપૂર્ણ પગલાં લેવામાં આવ્યા છે. શહેરના વિવિધ વિસ્તારોમાં બ્રિજ, પાણી પુરવઠો, ડ્રેનેજ અને વરસાદી ગટર જેવી કામગીરીઓ ચાલી રહી છે, જેને ચોમાસા દરમિયાન લોકો માટે મુશ્કેલી ન સર્જાય તે માટે યોગ્ય રીતે પૂર્ણ કરવા સૂચનાઓ આપવામાં આવી છે.

કોર્પોરેશનના સિટી એન્જિનિયરે તમામ કોન્ટ્રાકટરોને અનુરોધ કર્યો છે કે તેઓ બેઝમેન્ટના ખોદકામ કે ખૂલ્લા પ્લોટમાં પાણી ભરાવાની શક્યતા રોકવા પૂરતી વ્યવસ્થા કરે. જમીનના લેવલને યોગ્ય રીતે સમતલ રાખવો, આસપાસમાં બેરિકેડ લગાવવી, અને કોઈ પણ પ્રકારની ખતરનાક સ્થિતિ ઊભી ન થાય તેની સંપૂર્ણ જવાબદારી નિભવવી જરૂરી છે.

સાથે સાથે, શહેરમાં ચાલતી બહુમાળી ઈમારતોના બાંધકામ માટે 26 બિલ્ડરોને પણ નોટિસ અપાઈ છે. બિલ્ડિંગ સાઇટે પાણી ભરાવા તેમજ મચ્છરો પેદા ન થાય તેની ખાતરી રાખવી અનિવાર્ય કરવામાં આવી છે. સાંજ બાદ સાઇટ પર પ્રકાશ અને ચેતવણી સમાન વ્યવસ્થા કરવી પણ ફરજિયાત કરવામાં આવી છે.

મહાનગરપાલિકા દ્વારા જણાવાયું છે કે વરસાદી પાણીના પ્રવાહમાં અવરોધરૂપ બાંધકામ સામગ્રી હટાવવી અને ડેન્ગ્યુ સહિતના રોગચાળો ન ફેલાય એ માટે Standing Water (જમેલું પાણી) તાત્કાલિક દૂર કરવાની કામગીરી કરવી રહેશે.

આ પણ વાંચો--- Vadodara : નવરચના સ્કૂલ ફરી ધમકીના નિશાન પર, બોમ્બની આશંકાએ શાળા ખાલી કરાવાઈ