રાજ્યમાં બે વરસાદી સિસ્ટમ સક્રિય, દ.ગુ સહિત સૌરાષ્ટ્રના અનેક જિલ્લામાં ભારે વરસાદની આગાહી

હવામાન વિભાગ દ્વારા હજુ આગામી 7 દિવસ મધ્યમથી ભારે વરસાદની આગાહી કરી છે. હાલમાં રાજ્ય તરફ વળતી બે સિસ્ટમ સક્રિય થઇ છે. જેમાં અપર એર સાયક્લોનિક સકર્યુલેશન સિસ્ટમ અને વરસાદી ટ્રફ લાઇન પસાર થતી હોવાથી વરસાદની આગાહી કરવામાં આવી છે. બે વરસાદી સિસ્ટમ સક્રિય થવા છતાં આજથી વરસાદની ગતિ ધીમી પડશે. પરંતુ આજથી એટલે કે 30મે થી આગામી 5 દિવસ માછીમારોને દરિયો ન ખેડવા સૂચના આપવામાં આવી છે. 

આજે આ જિલ્લામાં હળવાથી મધ્યમ વરસાદની શક્યતા
દક્ષિણ ગુજરાતના નવસારી, સુરત, તાપી, વલસાડ, ડાંગ, ભરૂચ જ્યારે સૌરાષ્ટ્રના ગીર સોમનાથ, અમરેલી, ભાવનગર આ ઉપરાંત વડોદરા, પંચમહાલ, દાહોદ, મહિસાગર, નર્મદા, અરવલ્લી અને સાબરકાંઠામાં છુટાછવાયા સ્થળોએ હળવાથી ભારે વરસાદની શક્યાતા છે.

છેલ્લા 24 કલાકમાં રાજ્યના 35 તાલુકામાં વરસાદ વરસ્યો છે. હાસોટમાં પોણો ઈંચ અને સતલાસણમાં અડધો ઈંચ વરસાદ ખાબક્યો છે. ડાંગ-આહવામાં 1 ઈંચ અને ઝઘડિયામાં 1 ઈંચ વરસાદ વરસ્યો છે. ભરૂચમાં 1 ઈંચ,. સુબિરમાં 1 ઈંચ વરસાદ વરસ્યો છે.. વાલિયામાં પોણો ઈંચ, સોનગઢમાં પોણો ઈંચ, ધંધુકામાં પોણો ઈંચ અને કરજણમાં પોણો ઈંચ વરસાદ ખાબક્યો છે.