રાજ્યભરમાં વીજળી સાથે વરસાદનો માહોલ, 40-50 કિમી ઝડપે પવન ફૂંકાવાની સંભાવના

આજ રોજ ગુજરાતના મોટાભાગના જિલ્લાઓમાં વરસાદ પડવાની હવામાન વિભાગે આગાહી કરી છે. આ વરસાદ વીજળીના કડાકા અને ગાજવીજ સાથે હળવાથી મધ્યમ પ્રમાણમાં રહેશે. કેટલાક વિસ્તારોમાં પવનની ઝડપ 40થી 50 કિમી પ્રતિ કલાક સુધી જવાની શક્યતા છે.

આજરોજ જે જિલ્લામાં વરસાદની આગાહી છે તેમાં બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, ખેડા, અમદાવાદ, આણંદ, પંચમહાલ, દાહોદ અને મહીસાગરના ઉત્તર ગુજરાતના જિલ્લાઓનો સમાવેશ થાય છે. 

તે સિવાય વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, તાપી અને વલસાડ જેવા દક્ષિણ ગુજરાતના જિલ્લાઓ પણ વરસાદથી અસરગ્રસ્ત રહી શકે છે.

સૌરાષ્ટ્રના રાજકોટ, અમરેલી, ભાવનગર ઉપરાંત ગીર-સોમનાથ અને જૂનાગઢ જિલ્લામાં પણ વરસાદની શક્યતા છે. આ સમગ્ર રાજ્યમાં લોકો માટે સુરક્ષાની દૃષ્ટિએ ચેતવણી જારી કરવામાં આવી છે.