પ્રજાના પ્રશ્નો સોલ્વ ના કરનારા મ્યુનિ. કમિશનરને કોણે આપ્યું સમન્સ ?

સુરત (SURAT) ના પુણા વિસ્તારના રહેવાસીઓના લાંબા સમયથી ચાલી આવેલા તકલીફભર્યા પ્રશ્નો હવે રાજ્યના પાટનગર સુધી પહોંચી ગયા છે. ક્ષેત્રમાં જરૂરી સુવિધાઓના અભાવ અંગે નોંધાયેલી ફરિયાદના પગલે ગુજરાત રાજ્ય માનવાધિકાર આયોગે સુરત (SURAT) મહાનગરપાલિકા કમિશનરને સમન્સ પાઠવ્યું છે.

પુણા વિસ્તારના રહેવાસી કુલદીપ ગોહિલ દ્વારા 21 માર્ચે દાખલ કરવામાં આવેલી પિટિશનમાં કહેવામાં આવ્યું છે કે વર્ષ 2006થી સુરત મહાનગરપાલિકા (મનપા)માં વિસ્તારોના સમાવેશ પછી પણ પુણામાં પ્રાથમિક સુવિધાઓ જેમ કે શૌચાલય, વાંચનાલય અને શાંતિ કુંજ જેવી સુવિધાઓ હજુ સુધી ઉપલબ્ધ નથી.

 

ફરીયાદમાં વધુમાં જણાવવામાં આવ્યું છે કે ટીપી 20ના પ્રિલિમINARY મંજૂર થયા પછી પણ પાર્કિંગ માટે ફાળવેલી જગ્યા પર અનધિકૃત રીતે ખાણીપીણીની લારીઓ, પાનના ગલ્લા અને ફૂડ પ્લાઝા ચાલી રહ્યા છે, જે મોડી રાત સુધી ચાલુ રહે છે. આ કારણે આસપાસના રહેવાસીઓ પ્રદૂષણ અને અવ્યવસ્થાથી પરેશાન છે.

 

આ સાથે માર્ગોની પહોળાઈ પણ વાંધાજનક હોવાનું કહેવામાં આવ્યું છે. ટીપી યોજના અનુસાર 12 મીટરના બતાવવામાં આવેલા માર્ગો વર્તમાનમાં માત્ર 10 મીટર જ  હોવાથી વાહનવ્યવહારની સમસ્યાઓ ઊભી થઈ છે.

કુલદીપ ગોહિલના આક્ષેપ મુજબ, ટીપી પ્લાનિંગ એક્ટનું પાલન ન થતું હોવાથી શહેરી વિકાસ અર્ધવટે અટવાઈ રહ્યો છે. આ વિશે અનેક વખત રજૂઆત થવા છતાં કોઈ નિવારણ ન આવતા અંતે રાજ્ય માનવાધિકાર આયોગમાં અરજ કરવામાં આવી.

આ સંબંધે ગુજરાત રાજ્ય માનવાધિકાર આયોગે સુરત મનપાના કમિશનરને 26 જૂન, 2025ના રોજ બપોરે 1 વાગ્યે આયોગની કોર્ટ સમક્ષ હાજર રહેવા આદેશિત કર્યા છે.

આ પણ વાંચો--- SURAT : પહેલા પાપ કર્યું અને હવે ધ્રુસકે ધ્રુસકે રડવા લાગ્યો..