કષ્ટભંજનદેવ મંદિરમાં હિમવર્ષાનો શણગાર

 ગુજરાતના સાળંગપુરધામમાં કષ્ટભંજન મહાદેવ હનુમાનજી મંદિરમાં જૂદી-જૂદી થીમ દ્વારા કષ્ટભંજન દેવનું સુંદર સુશોભન કરવામાં આવે છે. ત્યારે શનિવારે (28 ડિસેમ્બર) કષ્ટભંજન દેવને હિમવર્ષાની ઝાંખી કરવામાં આવી હતી. શનિવારે સાળંગપુરમાં મોટી સંખ્યાએ દર્શનાર્થીઓ ઉમટે છે, ત્યારે ભક્તો આ અદ્ભૂત થીમ સાથે કષ્ટભંજન દેવના દર્શન કરી ધન્યતા અનુભવી રહ્યા છે.

આજે સવારે 5:30 વાગ્યે મંગળા આરતી તેમજ 7:00 વાગ્યે શણગાર આરતી પૂજારી સ્વામી દ્વારા કરવામાં આવી હતી. સવારે કષ્ટભંજન દાદાને 1100 કિલો ગોળનો અન્નકૂટ પણ ધરાવવામાં આવ્યો હતો. આ સિવાય મંદિર પરિસરની યજ્ઞશાળામાં મારૂતિ યજ્ઞનું પણ આયોજન કરવામાં આવ્યું હતું.

નોંધનીય છે કે, 16 ડિસેમ્બર 2024થી 14 જાન્યુઆરી 2025 સુધી મંદિરના પટાંગણની યજ્ઞશાળામાં હનુમાન ચાલીસા યજ્ઞનું પણ આયોજન કરાયુ છે. જેમાં સવારે 7 થી 12 અને સાંજ 3 થી 6 વાગ્યે પવિત્ર ભૂદેવલો વડે પૂજન-અર્ચન-આરતી કરવામાં આવે છે. હજારો ભક્તો અહીં દર્શનનો લાભ લઈ ધન્યતા અનુભવી રહ્યા છે.