મોડલ સુખપ્રીત કૌર સ્યુસાઈડ કેસમાં મોટો ખુલાસો, યુવક આપતો હતો માનસિક ત્રાસ

સુરતમાં 3 મેના રોજ મોડલ સુખપ્રીત કૌરે ગળે ફાંસો ખાઈને આત્મહત્યા કરી હતી,  19 વર્ષની મૉડલ સુખપ્રીત કૌરનો મૃતદેહ રૂમમાં લટકતી હાલતમાં મળી આવ્યો હતો. આ કેસમાં એક ચોંકાવનારૂં કારણ સામે આવ્યું છે મહેન્દ્ર રાજપૂત નામનો યુવક મોડલને બ્લેક મેઈલ કરતો હતો તેવું સામે આવ્યું છે.

મોડલની સ્યૂસાઇડ નોટના આધારે આ સમગ્ર મામલો પ્રકાશમાં આવ્યો છે. ત્યારબાદ  મહેન્દ્ર રાજપૂત નામના યુવક સામે ગુનો દાખલ કરવામાં આવ્યો છે. આરોપી યુવક મોડલને માર મારીને માનસિક ત્રાસ આપતો હોવાનો ખુલાસો થયો છે.આ સમગ્ર મામલે પોલીસે મહેન્દ્ર રાજપૂતની શોધખોળ શરૂ કરી છે.

શું હતો સમગ્ર મામલો?

સુરતના સારોલી વિસ્તારમાં 19 વર્ષીય મોડેલ સુખપ્રીત કૌર મૂળ મધ્યપ્રદેશની રહેવાસી છે. સુખપ્રીત ઘટનાના 4-5 દિવસ પહેલાં જ મોડેલિંગના કામ માટે સુરત આવી હતી અને સારથી રેસિડેન્સીમાં તેની 3 બહેનપણીઓ સાથે ભાડાના મકાનમાં રહેતી હતી. 3 મેના રોજ મોડી સાંજે તેની બહેનપણીઓ ઘરે પરત ફરી ત્યારે સુખપ્રીત બેડરૂમમાં પંખા સાથે દુપટ્ટાથી લટકતી હાલતમાં મળી હતી.