જરા તો શરમ કરો..ભરુચની ઘટનાથી હાહાકાર

શું આ છે આપણું સુરક્ષિત ગુજરાત? ગુજરાતમાં મહિલાઓ સાથે દુષ્કર્મની ઘટનાઓ સતત વધી રહીં છે. અત્યારે છાસવારે ગુજરાતમાં દુષ્કર્મની ઘટનાઓ બની રહીં છે. આ મામલે કોણ જવાબદાર છે? 

ભરૂચ સહિત દેશભરમાં ચર્ચા જગાવનાર 10 વર્ષીય બાળકી પર દુષ્કર્મની ઘટના બાદ ભરૂચ જિલ્લામાંથી વધુ એક દુષ્કર્મની ઘટના સામે આવી છે. આમોદના એક ગામમાં 72 વર્ષીય વૃદ્ધા પર 35 વર્ષના શખ્સે દુષ્કર્મ આચરતાં પોલીસ ફરિયાદ નોંધાઇ છે. આ આરોપીએ અગાઉ પણ આ વૃદ્ધા પર જ દુષ્કર્મ આચર્યું હતું. જે ઘટનામાં જામીન મળતાં તે બહાર આવ્યો હતો અને ફરીથી વૃદ્ધા પર કૃત્ય આચરી મારી નાખવાની ધમકી આપી હતી.

આ ઘટના અંગે મળતી માહિતી મુજબ ભરુચ જિલ્લાના આમોદ તાલુકાના એક ગામમાં વાડીમાં ઝુંપડી બાંધીને રહેતા 72 વર્ષીય વૃદ્ધા પર 35 વર્ષના શૈલેષ રાઠોડ નામના શખ્સે તારીખ 15 અને 22 ડિસેમ્બરે બે વાર દુષ્કર્મ આચર્યું હતું. આ અંગે વૃદ્ધાએ આમોદ પોલીસ મથકે ફરિયાદ નોંધાવતાં પોલીસે આરોપી સામે દુષ્કર્મ તેમજ ધાકધમકીનો ગુનો દાખલ કર્યો છે.

આમોદ પોલીસે વિવિધ ટીમ બનાવી ફરાર આરોપીની ધરપકડના ચક્રોગતિમાન કર્યા છે. ભરૂચ ક્રાઈમ બ્રાન્ચ અને સ્પેશિયલ ઓપરેશન ગ્રુપની ટીમ પણ આ તપાસમાં જોડાઇ છે.