SABARKANTHA : ધરોઇ ફેસ્ટમાં ફૂંકાયું જોરદાર વાવાઝોડુ

સાબરકાંઠા જિલ્લામાં સોમવારે રાત્રે ફૂંકાયેલા જોરદાર વાવાઝોડાએ મોટા પાયે તબાહી મચાવી હતી.  જિલ્લાના વિવિધ વિસ્તારોમાં તંત્ર હાલ નુકસાનના આંકડા એકઠા કરી રહ્યું છે. આ વાવાઝોડાની સીધી અસર ધરોઈ ડેમ ખાતે શરૂ થયેલા એડવેન્ચર ફેસ્ટ-2025 પર પણ પડી છે, જ્યાં તોફાની પવનના ઝપાટાથી ફેસ્ટની વ્યવસ્થાઓ ખોરવાઇ ગઇ હતી.

ધરોઈ ડેમ ખાતે પ્રથમવાર યોજાયેલ આ એડવેન્ચર ફેસ્ટ 23 મેના રોજ રાજ્યના મુખ્યમંત્રીએ ખુલ્લો મુક્યો હતો. 45 દિવસ સુધી ચાલનારા આ મહોત્સવમાં જમીન, પાણી અને હવાઈ આધારિત વિવિધ એડવેન્ચર પ્રવૃત્તિઓનું આયોજન કરાયું હતું, જેને જોવા માટે રાજ્યભરથી સહસ્રો પ્રવાસીઓ ઉમટી પડ્યા હતા.

પરંતુ રવિવારે મોડી સાંજે ફૂંકાયેલા વાવાઝોડાએ સમગ્ર આયોજનને પડકાર ભરી સ્થિતિમાં મૂકી દીધું. પવનની ઝડપ આશરે 50 કિમી પ્રતિ કલાક જેટલી નોંધાઈ હતી. જેના પગલે ફેસ્ટના ટેન્ટ સિટી વિસ્તારમાં રોકાયેલા પ્રવાસીઓમાં નાસભાગ મચી ગઈ હતી. લોકો જીવ બચાવવા માટે દોડધામ કરવા લાગ્યા અને ટેન્ટો, સ્ટોલો તેમજ એર બલૂનની મંડળીઓએ તાત્કાલિક સ્થળ છોડ્યું હતું.

હોટ એર બલૂનની ટીમ પણ વાવાઝોડાના રૌદ્ર સ્વરૂપને જોઈ ભાગી છૂટવા મજબૂર થઈ હતી. તીવ્ર પવનના કારણે ફેસ્ટ માટે ઊભા કરવામાં આવેલા મંડપો તથા અન્ય તંત્ર રચનાઓ તહસ નહસ થઈ ગઈ હતી.

સ્થાનિક પ્રશાસન અને આયોજનકર્તાઓ હાલ વાવાઝોડાના કારણે થયેલા નુકસાનનો અંદાજ લગાવી રહ્યાં છે. આશા છે કે તંત્ર દ્વારા સુરક્ષા મુદ્દે નવી વ્યવસ્થાઓ અમલમાં લઈને ફરીથી ફેસ્ટને પાટા પર લાવવાનો પ્રયાસ કરાશે.

જુઓ વીડિયો 

https://www.instagram.com/p/DKJZS88PfNF/