ગુજરાતમાં પોલીસ ભરતી માટેની પ્રક્રિયા શરૂ

રાજ્યમાં પોલીસ દળમાં ભરતી પ્રક્રિયા માટે ગૃહ વિભાગ દ્વારા નિર્ણાયક પગલાં લેવાયા છે. 7 માર્ચ, 2024ના સરકારના ઠરાવ અનુસાર, બિન હથિયારી પોલીસ સબ ઇન્સ્પેક્ટર અને લોકરક્ષક કેડર માટે કુલ 12,472 જગ્યાઓ પર ભરતી પ્રક્રિયા શરૂ થઈ છે.   1. પોલીસ સબ ઇન્સ્પેક્ટર (PSI): 472 જગ્યાઓ (પુરુષ અને મહિલા). 2. લોકરક્ષક કેડર: 12,000 જગ્યાઓ, જેમાં બિન હથિયારી પોલીસ કોન્સ્ટેબલ, હથિયારી પોલીસ કોન્સ્ટેબલ, SRPF, અને જેલ સિપાઇનો સમાવેશ થાય છે.   શારીરિક ક્ષમતા અને માપ કસોટી (PET/PST)   ગુજરાત પોલીસ ભરતી બોર્ડ દ્વારા જાહેર કરાયેલી જાહેરાત મુજબ, કુલ 10,73,786 ઉમેદવારોને રાજ્યના 15 પસંદગી આધારે પરીક્ષા કેન્દ્રો પર શારીરિક ક્ષમતા કસોટી અને શારીરિક માપ કસોટી માટે બોલાવવામાં આવ્યા છે.   પુરુષ ઉમેદવારો માટે PSI અને PSI/લોકરક્ષક કેડર (બોથ): 8 જાન્યુઆરીથી 31 જાન્યુઆરી, 2025   ફક્ત લોકરક્ષક કેડર: 1 ફેબ્રુઆરીથી 1 માર્ચ, 2025   મહિલા અને માજી સૈનિક ઉમેદવારો માટે   PSI અને PSI/લોકરક્ષક કેડર (બોથ): 8 જાન્યુઆરીથી 29 જાન્યુઆરી, 2025   ફક્ત લોકરક્ષક કેડર: 1 ફેબ્રુઆરીથી 1 માર્ચ, 2025   માજી સૈનિક ઉમેદવારો: 28 અને 29 જાન્યુઆરી, 2025   સૂચન અને વ્યવસ્થા   નિમણૂક: દરેક ગ્રાઉન્ડના ઇન્ચાર્જ તરીકે પોલીસ અધિક્ષક કક્ષાના અધિકારીઓની નિમણૂંક કરવામાં આવી છે. સાથે, 96 DYSP, PI, PSI, અને HC/PCની મદદ રહેશે.   મોનીટરીંગ અને સુપરવિઝન:  દરેક ગ્રાઉન્ડ પર DIGP/IGP કક્ષાના અધિકારીઓ સુપરવિઝન સંભાળશે, જ્યારે ગાંધીનગરમાં સેન્ટ્રલ કંટ્રોલરૂમ દ્વારા તમામ પ્રક્રિયાનું મોનીટરીંગ કરવામાં આવશે.   માપણી પ્રક્રિયા: શારીરિક માપ કસોટી આરોગ્ય વિભાગના અધિકારીઓ દ્વારા કરવામાં આવશે.