સુરતના લાલગેટ વિસ્તારમાં પોલીસની દાદાગીરી, હોટલ સંચાલક સાથે મારામારીનો વીડિયો વાયરલ

સુરતના લાલગેટ વિસ્તારમાં પોલીસના દાદાગીરીનો એક વીડિયો સોશિયલ મીડિયામાં ઝડપથી વાયરલ થઈ રહ્યો છે. ઘટના એ છે કે, એક હોટલ મોડા સુધી ખુલ્લી રહેતા, ત્યાં પહોંચેલી પોલીસ દ્વારા દુકાનદારને મારમારી કરવામાં આવી.

પોલીસના આ વર્તનને જોઈને લોકોમાં રોષ ફાટી નીકળ્યો છે. જાણે કોઈ અસામાજિક તત્વો હોય તે રીતે પોલીસ કર્મચારીએ હોટલ સંચાલક સાથે વર્તન કર્યું હતું. દુકાનમાં ઘુસતાં જ પહેલા એક વ્યક્તિને તમાચો મારી દેવામાં આવ્યો અને ત્યારબાદ એક કારીગરને સતત 3 તમાચા મારવામાં આવ્યા હતા.

વીડિયો અનુસાર, પોલીસ કર્મચારી હોટલમાં ઘુસીને હોટલ સંચાલકને તેની માઁ અને બહેન અંગે અશ્લીલ અને અભદ્ર ગાળો આપી હતી. આ સમગ્ર ઘટના ઝડપથી સોશિયલ મીડિયામાં ફેલાઈ રહી છે અને અનેક ચર્ચાઓ જગાવતી બની છે.