ગુજરાત પોલીસનું 'ઓપરેશન ડેલ્ટા હન્ટ' સફળ

Operation Delta Hunt : રાજયભરમાં બાંગ્લાદેશીઓ સામે ઓપરેશન ડેલ્ટા હંટ ચાલી રહ્યું છે.જેમાં રાજયભરમાંથી 501 ગેરકાયદેસર બાંગ્લાદેશીઓ ઝડપાયા છે.નાયબ મુખ્યમંત્રીની સૂચના બાદ હાથ ધરાયું હતું ઓપરેશન અને અલગ-અલગ જિલ્લાઓમાં હાથ ધરવામાં આવી હતી તપાસ.આ કાર્યવાહી બાદ રાજ્યભરમાં સુરક્ષા મુદ્દે ફરી ચર્ચા શરૂ થઈ છે.અધિકારીઓના જણાવ્યા અનુસાર,વિવિધ જિલ્લાઓમાં એકસાથે દરોડા અને ચકાસણી અભિયાન હાથ ધરવામાં આવ્યું હતું.શંકાસ્પદ વ્યક્તિઓના દસ્તાવેજોની તપાસ,ઓળખની ચકાસણી અને કાયદેસર વસવાટ અંગે પૂછપરછ બાદ અનેક લોકો સામે કાર્યવાહી કરવામાં આવી છે. રાજ્ય સરકારનું કહેવું છે કે,ગેરકાયદેસર રીતે રહેતા લોકો સામે આવી કાર્યવાહી ભવિષ્યમાં પણ સતત ચાલુ રહેશે.

એજન્ટ ક્યા કયા છે તેની તપાસ ચાલુ છે
અમદાવાદ ક્રાઈમ બ્રાન્ચના જેસીપીનું કહેવું છે કે, સમગ્ર મામલે તપાસ ચાલી રહી છે અને કોણ કોણ એજન્ટો છે તે દિશામાં તપાસ ચાલુ છે. જે મહિલાઓ ઝડપાઈ છે તેમાં મોટા ભાગની મહિલાઓ સ્પામાં કામ કરતી હોવાની વાત સામે આવી છે.હાલ પકડેલ બાંગ્લાદેશીઓની ફિંગર પ્રિન્ટ લેવામાં આવશે,જેના આધારે ખ્યાલ આવશે કે અગાઉ પકડાયેલા પૈકી હમણાં છે કે કેમ !સૌથી વધુ વેસ્ટ બંગાળ બોર્ડર મારફતેથી ગુજરાતમાં બાંગ્લાદેશીઓ આવ્યા છે અને અમદાવાદના નારોલ વિસ્તારમાં સૌથી વધુ બાંગ્લાદેશી ઝડપાયા છે.

‘ઓપરેશન ડેલ્ટા હન્ટ’ હેઠળ રાજ્યવ્યાપી સર્ચ
ગુજરાત પોલીસ દ્વારા રાજ્યની સુરક્ષા વ્યવસ્થાને વધુ મજબૂત બનાવવા માટે ‘ઓપરેશન ડેલ્ટા હન્ટ’ શરૂ કરવામાં આવ્યું છે. આ અભિયાન અંતર્ગત રાજ્યના અનેક શહેરો અને જિલ્લાઓમાં એકસાથે સર્ચ ઓપરેશન હાથ ધરવામાં આવ્યું હતું. અધિકારીઓએ જણાવ્યું હતું કે તપાસ દરમિયાન શંકાસ્પદ દસ્તાવેજો ધરાવતા લોકોની ઓળખ કરવામાં આવી હતી અને તેમની કાયદેસરની સ્થિતિ અંગે તપાસ હાથ ધરવામાં આવી હતી. આ કાર્યવાહી દરમિયાન 501 ગેરકાયદેસર બાંગ્લાદેશી નાગરિકોને કસ્ટડીમાં લેવામાં આવ્યા છે.

સૌથી વધુ નારોલ વિસ્તારમાં બાંગ્લાદેશી ઝડપાયા
અમદાવાદ ક્રાઈમ બ્રાન્ચના જેસીપીનું વધુમાં કહેવું છે કે, એજન્ટો 50 હજારથી વધુ રૂપિયા મેળવતા હતા અને ટ્રેન મારફતે બાંગ્લાદેશીઓ અહીં આવ્યાં છે.એજન્ટો ઘરઘાટી તરીકે કામની વાત કહીને ભારત કે ગુજરાત લાવે છે,બાદમાં મહિલાઓને દેહવ્યાપારમાં ધકેલવામાં આવે છે.હાલ પકડાયેલ બાંગ્લાદેશીઓ સામે માત્ર ડિપોર્ટેશન કામગીરી થશે,જો કોઈ ગેરકાયદે કામગીરીમાં હશે તો ફરિયાદ થશે અને ગયા વર્ષે 465 બાંગ્લાદેશીઓને ડિપોર્ટ કર્યા હતા જે ઝડપી પ્રક્રિયા હતી.

 

24 घंटे। Special Drive। 501 अवैध बांग्लादेशी गिरफ्तार।

गुजरात पुलिस का संदेश साफ है अवैध घुसपैठ का एक ही जवाब: सख्त कार्रवाई!

— Harsh Sanghavi (@sanghaviharsh) June 4, 2026

 

હર્ષ સંઘવીએ આપી કાર્યવાહી અંગે માહિતી
ગુજરાતના ગૃહ રાજ્યમંત્રી હર્ષ સંઘવીએ સોશિયલ મીડિયા મારફતે આ કાર્યવાહી અંગે માહિતી આપતા જણાવ્યું હતું કે, રાજ્યવ્યાપી સ્પેશિયલ ડ્રાઈવ અંતર્ગત માત્ર 24 કલાકમાં મોટી સંખ્યામાં ગેરકાયદેસર બાંગ્લાદેશી ઘૂસણખોરોને ઝડપી પાડવામાં આવ્યા છે. તેમણે જણાવ્યું હતું કે, રાજ્યમાં કોઈપણ પ્રકારની ગેરકાયદેસર ઘૂસણખોરી કે રાષ્ટ્રીય સુરક્ષાને ખતરો ઉભો કરનારી પ્રવૃત્તિઓને સહન કરવામાં આવશે નહીં. સરકારની ‘ઝીરો ટોલરન્સ’ નીતિ હેઠળ આવી કાર્યવાહી સતત ચાલુ રહેશે.

ગેરકાયદેસર વસવાટ સામે સરકારની કડક નીતિ
રાજ્ય સરકારના જણાવ્યા મુજબ,ગેરકાયદેસર રીતે રહેતા વિદેશી નાગરિકો સામે કાયદાકીય કાર્યવાહી કરવામાં આવશે.જરૂરી પ્રક્રિયા પૂર્ણ થયા બાદ આવા લોકો સામે દેશના કાયદા મુજબ આગળની કાર્યવાહી હાથ ધરાશે.સરકાર અને સુરક્ષા એજન્સીઓએ સ્પષ્ટ કર્યું છે કે,રાજ્યની સુરક્ષા સાથે કોઈ સમાધાન કરવામાં આવશે નહીં અને ભવિષ્યમાં પણ આવા વિશેષ ઓપરેશનો ચલાવવામાં આવશે.

શંકાસ્પદ લોકોની પણ પૂછપરછ
ધરપકડ સિવાય અનેક શંકાસ્પદ લોકોની ઓળખ કરીને તેમની પણ સઘન પૂછપરછ કરવામાં આવી રહી છે.સુરક્ષા એજન્સીઓ દ્વારા દસ્તાવેજોની ચકાસણી, રહેઠાણની માહિતી અને અન્ય વિગતોની તપાસ ચાલી રહી છે.પોલીસનું માનવું છે કે, આ કાર્યવાહીથી રાજ્યમાં ગેરકાયદેસર વસવાટ અને સંભવિત સુરક્ષા જોખમોને રોકવામાં મદદ મળશે.

સૌરાષ્ટ્ર અને કચ્છના દરિયાકાંઠાના વિસ્તારોમાંથી પણ ઝડપાયા
સૌરાષ્ટ્ર અને કચ્છના દરિયાકાંઠાના વિસ્તારોમાંથી પણ 53 જેટલા બાંગ્લાદેશી ઘૂસણખોરો ઝડપાયા છે. જેમાં સૌથી વધુ કચ્છ પૂર્વમાં 27 અને કચ્છ પશ્ચિમમાં 7 બાંગ્લાદેશીઓ પકડાયા છે. આ ઉપરાંત રાજકોટ શહેરમાં 5, સુરેન્દ્રનગરમાં 5, બોટાદમાં 3, મોરબીમાં 2 તેમજ જામનગર, દેવભૂમિ દ્વારકા અને જૂનાગઢમાંથી 1-1 બાંગ્લાદેશી નાગરિકની ધરપકડ થઈ છે. હાલમાં રાજ્યભરમાં સુરક્ષા એજન્સીઓ દ્વારા 280થી વધુ શંકાસ્પદ વ્યક્તિઓની અટકાયત કરીને તેમના દસ્તાવેજોની વેરિફિકેશનની પ્રક્રિયા યુદ્ધના ધોરણે ચાલી રહી છે.ઉચ્ચ પોલીસ અધિકારીઓના જણાવ્યા અનુસાર, જેમ-જેમ તપાસ અને પૂછપરછ આગળ વધશે તેમ-તેમ ઝડપાયેલા ગેરકાયદેસર બાંગ્લાદેશી નાગરિકોનો આંકડો હજી પણ વધી શકે છે.