સતાધારના મહંત વિજય બાપુને ચોટીલા આપા ગીગા ઓટલાના મહંતનો ખુલ્લો પડકાર

સતાધારના મહંત વિજય બાપુને લઇને ચાલી રહેલા વિવાદમાં આજે ચોટીલા આપા ગીગા ઓટલાના મહંત નરેન્દ્ર સોલંકીએ પ્રેસ કોન્ફરન્સ કરીને કહ્યું કે વિજય ભગત મારી પર આરોપ લગાવે છે તેમાં કોઇ વિવાદ નથી. વિજય ભગત અગાઉ પણ મારી ઉપર આરોપ લગાવી ચુક્યા છે પણ સતાધાર ધામના દરેક કાર્યક્રમોમાં ગીતા બહેનની હાજરી શા માટે અનિવાર્ય હોઈ છે? તેવો સવાલ તેમણે પુછ્યો હતો.

મહંતે આકરા પ્રહારો કરતાં કહ્યું કે તમારી સત્યની પરીક્ષા કરવાની તાકાત નથી. ફક્કડ અને વિરક્તની ગાદી છે. બંનેનું લિંગ પરિક્ષણ થાય. સરકારની રાહબરી હેઠળ લિંગ પરિક્ષણ કરાવો. તમે સતાધારની જગ્યા પચાવી પાડવા આવ્યા છો. ગીતાબેનની પણ શારિરીક તપાસ થાય. શું કામ ના થાય. તમે વિધવા ત્યક્તા છો. અથવા તમારા પતિ હોય તો તેમનું નામ જાહેર કરો. તમે ખુલ્લા મેદાનમાં આવો. 

છેલ્લા ઘણા સમયથી સતાધારના મહંત વિજય બાપુને લઈ વિવાદ ચાલી રહ્યો છે. આ વિવાદ અંતર્ગત આજે  ચોટીલા આપાગીગા ઓટલાના મહંત નરેન્દ્ર સોલંકીની પ્રેસ કોન્ફરન્સ યોજાઇ હતી. વિજય બાપુને લખવામાં આવેલ પત્ર અને  સતાધાર ધામમાં ચાલી રહેલા વિવાદ અંગે પ્રેસ કોન્ફરન્સ યોજાઇ હતી.

મહંત નરેન્દ્ર સોલંકીએ કહ્યું કે વિજય ભગત મારા પર આક્ષેપ કરે છે તેમાં કઈ નવાઈ નથી. અગાઉ પણ વિજય ભગત મારા પર આક્ષેપ કરી ચૂક્યા છે. તેમણે સવાલ કર્યો હતો કે સતાધાર ધામના દરેક કાર્યક્રમોમાં ગીતા બહેનની હાજરી શા માટે અનિવાર્ય હોઈ છે?  હું પ્રૂફ આપવાનો છું, ગીતા બહેન અને વિજય ભગત નવરાત્રિના ગરબા સમયે એક બીજા સામે ઈશારા કરતા હોય છે તેવો ચોંકાવનારો આરોપ પણ તેમણે લગાવ્યો હતો 

મારી અને વિજય ભગતનુ લિંગ પરીક્ષણ કરવામાં આવે તેમ જણાવી તેમણે કહ્યું કે  ગીતા બહેનની પણ શારીરિક તપાસ કરાવવામાં આવે. તમે કહો છો કે ગીતાબેન તમારી રક્ષા છે તો સતાધારની જગ્યા તમારા માટે શુ છે ?.મંદિરમાં બિરાજમાન માતાજી તમારા માટે શું છે ?... આપા ગીગા પોતાની ઝોળીમાં ઠાકર રાખતા તો તે શુ છે તમારા માટે ?..તમારે બીજી કોઈ પણ વ્યક્તિઓ દ્વારા કરવામાં આવતી રક્ષા કરવાની શું જરૂર છે તેમ તેમણે કહ્યું હતું. 

તેમણે કહ્યું કે  કોઇ પણ પ્રકારની બાંધછોડ કરવા હું માગતો નથી. તમારા નામથી સતાધારની જગ્યા પર લાંછન લાગે છે. તમારે સત્યના પારખા કરવા જોઇએ તેવું અમારું માનવું છે. તમે શા માટે ભુવા જેવા સંતોને ઉશ્કેરો છો. તમારા વીડિયોમાં તમે કહો છો કે તમે એટ્રેક્શન કરતા નથી પણ ભાઇ તમારે આવું કહેવાની શું જરુર છે. સતાધારની જગ્યા સાથે જોડાયેલા તમામ લોકો આસ્થા સાથે જોડાયેલા છે. તમારા પગમાં શેના કડા તમે પહેરો છો.