Rajkot: પ્લાસ્ટિકની દડી ગળી જવાથી દોઢ વર્ષની બાળકીનું મોત,વાલીઓ માટે લાલબત્તી સમાન કિસ્સો!

રાજકોટમાંથી માતા-પિતા માટે લાલબત્તી સમાન કિસ્સો સામે આવ્યો છે.જ્યાં નાની બાળકીનું રમતા-રમતા પ્લાસ્ટિકની દડી ગળી જવાથી મોત નિપજ્યું છે.દડી ગળી જવાના કારણે બાળકી શ્વાસ ન લઈ શક્તિ હતી.જેથી તેને તાત્કાલિક ધોરણે હોસ્પિટલમાં ખસેડવામાં આવી હતી.જોકે,સારવાર દરમિયાન જ તેનું મોત નિપજ્યું હતું.

શું હતી ઘટના? 

રાજકોટના મહુડી વિસ્તારમાં રહેતી દોઢ વર્ષની પાર્થવી નામની બાળકી ગત મંગળવારે  24 જૂન રમતા-રમતા પ્લાસ્ટિકની દડી ગળી ગઈ હતી.લગભગ 7 દિવસ પહેલાં આ ઘટના બની હતી.માતા-પિતાને આ વિશે જાણ થતા તેને તાત્કાલિક ધોરણે રાજકોટની સિવિલ હોસ્પિટલમાં દાખલ કરવામાં આવી હતી.દડી ગળી જવાના કારણે બાળકી શ્વાસ ન લઈ શકતી અને છેલ્લાં 7 દિવસથી તે સારવાર હેઠળ હતી.જોકે,આ દરમિયાન જ તેનું મોત નિપજ્યું હતું.

વાલીઓ માટે આ બેદરકારીનો કિસ્સા સમાન છે.વાલીઓ ઘરમાં બાળકીનો ધ્યાન રાખી શકતા નથી. નાના બાળકોને આવી રીતે કોઈ રમકડાં જેવા સાધનો સાથે દૂર રાખવામાં આવે જેનાથી બાળકોને નુકશાન થાય અને આવા અનેક કિસ્સા બહાર આવતા હોય છે વાલીઓ બાળકને ખુલ્લા મૂકી દે છે. વાલીઓ જ્યારે મોબાઈલ ફોનમાં સમય પસાર કરે છે.ત્યારે તેમને બાળકનું ભાન જ હોતું નથી કે બાળક શું કરી રહ્યું છે. વાલીઓનું ધ્યાન મોબાઈલ ફોનમાં હોય અને બાળક શું કરે છે તેનું કઈ ખબર જ પડતી નથી ત્યારે આવા કિસ્સા બને છે.આવા કિસ્સા વાલીઓ માટે લાલ બત્તી સમાન છે. 

સારવાર દરમિયાન મોત: 

મળતી માહિતી મુજબ,તબીબો દ્વારા ઓપરેશન કરીને બાળકીના ગળામાંથી પ્લાસ્ટિકની દડી બહાર કાઢવામાં આવી હતી.જોકે,ઓપરેશન બાદ પણ બાળકી ભાનમાં ન આવી શકી હતી.ત્યારબાદ તેને વધુ સારવાર માટે ઝનાના હોસ્પિટલના બાળ વિભાગમાં દાખલ કરવામાં આવી હતી.જોકે,ત્યાં સારવાર દરમિયાન જ બાળકીનું મોત નિપજ્યું હતું.