જામનગરમાં જૂની RTO કચેરી તોડી પાડવાનું કામ શરૂ, તળાવથી સાત રસ્તા સુધી બનશે નવો માર્ગ

જામનગર શહેરમાં લાખોટા તળાવની પાળથી 7 રસ્તા સર્કલ સુધી સીધો માર્ગ તૈયાર કરવામાં આવી રહ્યો છે. આ મહત્વના ઈન્ફ્રાસ્ટ્રકચર પ્રોજેક્ટ માટે હવે માર્ગમાં અવરોધક બની રહેલી અનેક સરકારી ઇમારતો તોડી પાડવાનું શરૂ કરવામાં આવ્યું છે.

ગઈકાલે બપોરથી ખાસ કામગીરી હાથ ધરાઈ અને જૂની RTO કચેરીના બિલ્ડિંગને તોડી પાડવામાં આવ્યું. આ પ્રક્રિયા માટે જયસિબી અને હિટાચી જેવી ભારે મશીનોનો ઉપયોગ થયો હતો.

આમ, આગામી સમયમાં અન્ય સરકારી કચેરીઓને પણ હટાવીને રોડનું નિર્માણ કાર્ય આગળ ધપાવવામાં આવશે. નવો માર્ગ સધારો રુટ પૂરો પાડશે, જે લાખોટા તળાવની પાળથી સીધા સાત રસ્તા સુધી પહોંચવાની સગવડતા કરશે.