શાળા પ્રવાસ માટે નવી ગાઇડલાઇન, 2 પોલીસકર્મી ફરજિયાત, લોકલ પોલીસ સ્ટેશનને જાણ કરવાની જરૂર

વડોદરાના હરણી બોટકાંડમાં થયેલા દુર્ઘટનામાં બાળકોના મોતને પગલે રાજ્ય સરકારે શાળા પ્રવાસ માટે નવી ગાઇડલાઇન જાહેર કરી છે. હવે રાજ્યની દરેક સરકારી, અર્ધસરકારી તથા ખાનગી શાળાઓએ વિદ્યાર્થીઓ માટે આયોજિત પ્રવાસ/ટુર/પિકનિક/મુલાકાત દરમિયાન અનિવાર્ય રીતે 2 ગણવેશધારી પોલીસકર્મીઓને સાથે રાખવાના રહેશે. જો પ્રવાસ મહિલા વિદ્યાર્થીઓ માટે હોય, તો ખાસ કરીને મહિલા પોલીસકર્મી હોવી ફરજિયાત રહેશે.

આ નવો નિયમ PM મોદીના DGP-IGP કોન્ફરન્સ દરમિયાન આપેલા સૂચનના આધારે અમલમાં મૂકાયો છે. રાજ્યના પોલીસ મહાનિર્દેશક અને મુખ્ય પોલીસ અધિકારી વિકાસ સહાય એ રાજ્યના શિક્ષણ વિભાગના અગ્ર સચિવને પત્ર લખીને આ સૂચનાઓ શાળાઓ સુધી પહોંચાડવાની વિનંતી કરી છે.

શાળાઓએ પ્રવાસ પહેલા લોકલ પોલીસ સ્ટેશનને પણ પુર્વમાં જાણ કરવી ફરજિયાત રહેશે અને તદનુસાર પોલીસ અધિકારીના ઉપસ્થિતિમાં પ્રવાસ યોજવો પડશે. આ પગલાં બાળકોની સલામતી માટે મહત્વપૂર્ણ ગણાય છે.