અંબાલાલની ફરી ચોંકાવનારી આગાહી, બે દિવસમાં જ થશે નવાજૂની

 હવામાન નિષ્ણાંત અંબાલાલ પટેલે ગુજરાત માટે મહત્વપૂર્ણ આગાહી કરી છે. તેમના જણાવ્યા અનુસાર ૨૬ મે થી ૨૯ મે દરમિયાન રાજ્યમાં હવામાનમાં મોટો પલટો આવશે અને અનેક વિસ્તારોમાં ભારે વરસાદની શક્યતા છે.

અસરગ્રસ્ત વિસ્તારો:

અંબાલાલ પટેલના જણાવ્યા અનુસાર દક્ષિણ ગુજરાત અને વલસાડના ભાગોમાં ખૂબ જ ભારે વરસાદ થવાની શક્યતા છે. આ સાથે અમરેલી, બોટાદ, જૂનાગઢ અને ભાવનગર જેવા દક્ષિણ સૌરાષ્ટ્રના જિલ્લાઓમાં પણ ભારે વરસાદ પડી શકે છે. તો વડોદરા, તેમજ પૂર્વ ગુજરાત તથા ઉત્તર ગુજરાતના સાબરકાંઠા, અરવલ્લી, પંચમહાલ અને દાહોદના ભાગોમાં પણ વરસાદ પડશે, જેમાં દાહોદમાં વધુ વરસાદની આગાહી છે.

તેમણે આગાહી કરી છે કે દેશના ઉત્તર ભાગમાં  પવનની ઝડપ 80થી 90 કિમી પ્રતિ કલાક સુધી પહોંચી શકે છે. જ્યારે ઉત્તર ગુજરાતના વિસ્તારોમાં પવનની ઝડપ લગભગ 50થી 60 કિમી સુધી પહોંચી શકે છે.

અંબાલાલ પટેલના મત મુજબ જૂન મહિનાની ૫, ૬, ૭ અને ૯ જૂનના દિવસોમાં ગુજરાતમાં અણધાર્યો વરસાદ થશે, જે ચોમાસાના આગમનના સંકેત છે. જો અંબાલાલ પટેલનું અનુમાન સાચુ પડે, તો ૧૦મી જૂન સુધીમાં ગુજરાતમાં ચોમાસું બેસી જશે.

ચોમાસાની શરૂઆત મુખ્યત્વે દક્ષિણ ગુજરાત, દક્ષિણ સૌરાષ્ટ્ર અને મધ્ય ગુજરાતના વિસ્તારોમાંથી થશે.

જુઓ અંબાલાલાલની આગાહીનો વીડિયો 

https://www.instagram.com/p/DKL8U9IJYrC/