બેટ દ્વારકામાં મેગા ડિમોલીશન યથાવત

બેટ દ્વારકામાં ચોથા દિવસે પણ ગેરકાયદેસરના દબાણો હટાવવાની કામગિરી ચાલી રહી છે. મળેલી માહિતી મુજબ છેલ્લા 3 દિવસમાં બાલાપરમાં 260 મકાનો તોડી પડાયા છે અને આ ગેરકાયદેસરના બાંધકામ દૂર કરીને 60800 ચોરસ મીટર સરકારી જમીન પરના દબાણ દૂર કરી જમીનને ખુલ્લી કરી દેવાઇ છે. 

મળી રહેલી માહિતી મુજબ છેલ્લા ત્રણ દિવસમાં બેટ દ્વારકામાં અંદાજે 30 કરોડથી વધુની સરકારી જમીન ખુલ્લી કરવામાં આવી છે. આ અભિયાનમાં ઓખા વિસ્તારમાં સરકારી જમીન પર ગેરકાયદેસર રીતે ઊભા કરવામાં આવેલા ધાર્મિક માળખાને પણ તોડી પાડવામાં આવ્યા છે. ઓખા વિસ્તારમાં સરકારી જગ્યા પર બનાવવામાં આવેલી હજર પંજપીર દરગાહ તોડી પાડવામાં આવી છે. સ્થાનિક તંત્રએ આ ગેરકાયદેસર ધાર્મિક માળખાને તોડતા પહેલાં ત્રણ વખત નોટિસ પણ આપવામાં આવી હતી.

બીજી તરફ દબાણ હટાવાની કામગિરીના પગલે બેટ દ્વારકામાં તમામ યાત્રિકો માટે અવર જવર બંધ કરી દેવાઇ છે અને બેરિકેડ પણ લગાવી દેાયા છે પણ મંદિરમાં પૂજા અર્ચનાનો કાર્યક્રમ રાબેતા મુજબ જ ાલી રહ્યો છે. 

ઉલ્લેખનીય છે કે, એક વર્ષ પહેલાં પણ દેવભૂમિ દ્વારકામાં મેગા ડિમોલિશન હાથ ધરવામાં આવ્યું હતું. જોકે, ત્યારબાદ ફરી અનેક જગ્યાએ લોકો દ્વારા દબાણો કરવામાં આવ્યા હતા. તંત્રને આ વિશે જાણ થતાં જ ફરીથી દબાણ દૂર કરવાની કાર્યવાહી હાથ ધરવામાં આવી છે. મહત્ત્વનું છે કે, નવી કોઈ સૂચના ન મળે ત્યાં સુધી દ્વારકામાં સંપૂર્ણ રીતે ખાનગી વાહનો પર પ્રતિબંધ મૂકવામાં આવ્યો છે.