જંબુસર નજીક દરિયાકાંઠે બોટ પલટી

ભરૂચ જિલ્લાના જંબુસર તાલુકાના આસરસા ગામ નજીક શનિવારે (6 ડિસેમ્બર) સાંજે આસરસા ખાડીમાં ONGCના ઓઇલ-ગેસ સર્વે માટે જઈ રહેલી બોટ અચાનક પલટી મારી ગઈ હતી. આ દુર્ઘટનામાં બોટ માલિક રોહિતભાઈ વસાવાનું મોત થયું છે, જ્યારે એક શ્રમિક નરેશ રાઠોડ (ઉં.વ. આશરે 30) હજુ લાપતા છે. બાકીના 23 શ્રમિકોને સ્થાનિક માછીમારો અને ગામલોકોએ સુરક્ષિત બહાર કાઢ્યા છે.

કેવી રીતે થઈ દુર્ઘટના? 

• બોટ આસરસા ખાડીના કિનારેથી માત્ર 50-60 મીટર દૂર ઊભી હતી.
• શ્રમિકોને ટ્રેનિંગ આપવા બોટમાં ચઢાવવામાં આવ્યા હતા.
• અચાનક ભરતીનું પાણી આવતાં બધા શ્રમિકો એક જ બાજુએ ભેગા થઈ ગયા.
• બોટનું બેલેન્સ બગડ્યું અને માત્ર 5-7 સેકન્ડમાં બોટ ઊંધી વળી ગઈ.
• બોટ માલિક રોહિતભાઈ કેબિનમાં ફસાઈ ગયા અને બોટ નીચે દબાઈ જતાં તેમનું મોત થયું.
• લાઇફ જેકેટ ન પહેરનાર નરેશ રાઠોડ પાણીના પ્રવાહમાં તણાઈ ગયા.

બચાવ કામગીરી

• ઘટના સ્થળે સ્થાનિક માછીમારો અને ગામના યુવાનોએ તુરંત બચાવ કામગીરી શરૂ કરી.
• 23 શ્રમિકોને સુરક્ષિત બહાર કાઢી જંબુસર રેફરલ હોસ્પિટલમાં સારવાર અપાઈ.
• રોહિતભાઈનો મૃતદેહ બોટમાંથી બહાર કાઢવામાં આવ્યો.
• લાપતા નરેશ રાઠોડની શોધખોળ માટે કોસ્ટ ગાર્ડ અને સ્થાનિક પોલીસ-ફાયર બ્રિગેડની ટીમો રવહેલી સવારથી કામે લાગી છે.

પ્રત્યક્ષદર્શીઓના નિવેદન

મૃતક રોહિતભાઈના પુત્ર પ્રતીક વસાવાએ જણાવ્યું: “પાણીની ભરતી આવી એટલે એકસાથે 50-60 લોકો બોટમાં ચઢી ગયા. કોઈએ લાઇફ જેકેટ પણ નહોતા પહેર્યા. બોટ એક તરફ નમી અને પલટી ગઈ. મારા પિતા કેબિનમાં ફસાઈ ગયા.”

બચી ગયેલા શ્રમિક ગોપાલ દાસે કહ્યું: “અમે લંગર લેવાની તૈયારી કરી રહ્યા હતા, એટલામાં બોટ હલવા લાગી અને 5-7 સેકન્ડમાં જ ઊંધી વળી ગઈ.”

પ્રોજેક્ટની પૃષ્ઠભૂમિ

• ONGCએ અરબી સમુદ્રમાં ઓઇલ-ગેસ સર્વે માટે એશિયન એનર્જી સર્વિસિસ લિમિટેડને કોન્ટ્રાક્ટ આપ્યો છે.
• કંપનીએ આસરસા ગામની 19 બોટ ભાડે લીધી છે.
• નવા શ્રમિકોને ટ્રેનિંગ આપવા શનિવારે પહેલી વખત બોટમાં ચઢાવવામાં આવ્યા હતા.

જંબુસરના ધારાસભ્ય દેવકુમારસિંહ (ડી.કે.) સ્વામી ઘટના બાદ હોસ્પિટલ પહોંચ્યા અને બચાવ કામગીરીનું નિરીક્ષણ કર્યું.પોલીસે આકસ્મિક મોતનો ગુનો નોંધી વધુ તપાસાત હાથ ધરી છે. લાપતા નરેશ રાઠોડની શોધખોળ ચાલુ છે.