અમરેલીમાં ધોધમાર વરસાદ, શેત્રુંજી અને સાતલડી નદીમાં પૂર, હવામાન વિભાગે જારી કર્યું ઓરેન્જ એલર્ટ

ગુજરાતના અમરેલી જિલ્લામાં 23 જૂનના રોજ ભારે વરસાદ સાથે મેઘ મહેર યથાવત રહ્યો છે. હવામાન વિભાગે અમરેલી સહિત રાજુલા, સાવરકુંડલા, વડિયા, કુંકાવાવમાં ધોધમાર વરસાદની નોંધ લીધી છે. આ વરસાદના કારણે શેત્રુંજી નદીમાં પૂર જેવી સ્થિતિ સર્જાઈ છે અને અમરેલી-બગસરા રોડ પાસે આવેલા બાબાપુર ગામે સાતલડી નદી પણ ઘોઘાવતા હાલત બન્યા છે.

ખેડૂતોમાં ખુશીનો માહોલ

સારા વરસાદને પગલે ખેતરોમાં ખુશીનો માહોલ છે. અમરેલી જિલ્લામાં વાવાણી લાયક વરસાદ ખાબકતા ખેડૂતો વાવણીની કામગીરી શરૂ કરી ચૂક્યા છે.

હવામાન વિભાગની આગાહી

હવામાન વિભાગના જણાવ્યા મુજબ,23 જૂનના રોજ ગુજરાતના અમરેલી, ભાવનગર, નવસારી, વલસાડ, બોટાદ, અરવલ્લી, મહીસાગર, દાહોદ, વડોદરા, આણંદ, ભરૂચ અને પંચમહાલ જિલ્લામાં અતિ ભારે વરસાદની આગાહી છે.

24 જૂન માટે આગાહી

સૌરાષ્ટ્ર અને દક્ષિણ ગુજરાતના 16 જિલ્લામાં મેઘગર્જના સાથે ધોધમાર વરસાદની આગાહી છે. અમરેલી, ભાવનગર, નવસારી, વલસાડ માટે ઓરેન્જ એલર્ટ, જયારે રાજકોટ, જૂનાગઢ, ગીર સોમનાથ, ભરૂચ, નર્મદા, સુરત, તાપી, ડાંગ, વડોદરા, છોટાઉદેપુર, પંચમહાલ અને દાહોદ માટે યેલો એલર્ટ જાહેર કરવામાં આવ્યું છે.

25 જૂન માટે આગાહી

અરવલ્લી, મહીસાગર, દાહોદ, પંચમહાલ, છોટાઉદેપુર, નવસારી, વલસાડ, ભાવનગર, અમરેલીમાં ઓરેન્જ એલર્ટ છે, જયારે પોરબંદર, જૂનાગઢ, ગીર સોમનાથ, બોટાદ, આણંદ, અમદાવાદ, ગાંધીનગર, ખેડા, સાબરકાંઠા, વડોદરા, સુરત, તાપી, ડાંગ, નર્મદા અને ભરૂચમાં ભારે વરસાદની આગાહી છે. 26થી 28 જૂન દરમિયાન પણ રાજ્યભરમાં ગાજવીજ સાથે ભારેથી અતિભારે વરસાદ વરસી શકે છે અને હવામાન વિભાગે તદ્દન અનુરૂપ એલર્ટ જારી કર્યું છે.