દક્ષિણ ગુજરાત ઉમિયા મહિલા મંડળનાં કાર્યક્રમમાં ગૃહરાજ્ય મંત્રી હર્ષ સંઘવીએ મહિલાઓ સાથે વાર્તાલાપ કર્યો હતો. તેમજ સોસાયટીની બહાર મોડી રાત સુધી બેસી રહેતા ભાઈઓ ગુટખા તેમજ માવા ખાઈને જે પિચકારીઓ મારે છે તેને બંધ કરાવવા માટે અનુરોધ કર્યો હતો.
તેમણે વધુમાં કહ્યું હતું કે, જો પિચકારી મારતા અટકાવવા હોય તો બહેનોએ હાથમાં ધોકા લઈ નીકળવાનું. અને જો તમે ધોકો લઈને નીકળશો તો ગમે તેની માવા ખાઈને પિચકારી મારવાની ટેવ છૂટી જશે. તેમજ હર્ષ સંઘવીએ આવું કરવાનાં ફાયદા પણ કહ્યા હતા. જો પિચકારી મારવાની બંધ થશે તો ગંદકી દૂર થશે તેમજ બીમારીઓથી પણ બચી શકાશે અને રાતે મોડે સુધી બહાર બેસવાની આદત પણ છૂટી જશે.
મોબાઈલ અને બાળકોના વિકાસ અંગેની અનુરોધ સાથે સાથે, તેઓએ આજકાલના યુવા પેઢી પર પણ વાત કરી હતી, ખાસ કરીને મોબાઈલના દુષણ અંગે. તેમણે વાલીઓને આ સંદર્ભમાં એ કહેવાનું અનુરોધ કર્યું કે બાળકોને ફુરસદના સમયમાં રમવા માટે બહાર મોકલવું, જેથી તે મોબાઈલની લત્તમાંથી બહાર નીકળી શકે.
હર્ષ સંઘવીની મહત્વની સલાહ તેમણે વધુમાં જણાવ્યું કે, "સાંપ્રત સમયમાં ઘરની બહાર હોવા છતાં, બાળકો પર ધ્યાન આપવું જરૂરી છે. આપણી ભૂમિકા એ છે કે પૌત્ર અને પુત્રોને રમતના મેદાનમાં ઊતારવું, જેથી તેઓ તેમના મોબાઈલનો ઉપયોગ ઘટાડી શકે."
બીજાના ઘરોની વાતોથી બહાર આવીને બાળકો પર ધ્યાન આપવુ જરૂરી
સુરતમાં મહિલા સંમેલનમાં ગૃહ રાજ્યમંત્રી હર્ષ સંઘવીએ જણાવ્યું હતું કે બાળકોમાં મોબાઇલનું દૂષણ અટકાવવા વાલીઓને સલામ છે. આજના જમાનામાં તમારા પૌત્ર, પુત્રીઓને તમે કહેતા હશો કે આખો દિવસ આ મોબાઇલમાં શું જોજો કરો છો? આ તકલીફ મારા ઘરમાં પણ હશે અને તમારા ઘરમાં પણ હશે, આ તમે અનુભવતા હશો. ત્યારે હર્ષ સંઘવીએ મહિલાઓને જણાવ્યું હતું કે આપણે આપણા પૌત્ર-પુત્રી અને બાળકોને હાથ પકડીને તમારા બિલ્ડીંગના નીચે રમતના મેદાનોમાં અડધો કલાક લઈ જશો તો બાળકોની મોબાઇલની આદત જરૂરથી છૂટી જશે. બીજાના ઘરોની વાતોથી બહાર આવીને બાળકો પર ધ્યાન આપવાની જરૂર છે. મહિલાઓને વિનંતી છે કે તમે લોકોએ આ દિશામાં કામ કરવું જોઈએ.
હાથમાં ધોકા લઈને જશે તો પિચકારી મારવાનું થશે બંધ
ગૃહરાજ્યમંત્રીએ મહિલાઓને એક્શનમાં આવવાની સલાહ આપી હતી. તેઓએ કહ્યું કે "બહેનો હાથમાં લાકડી લઇને બેસે તો કોઇ પિચકારી મારશે? બધી બહેનો ભેગી થઇને નીચે બેસો હાથમાં દંડો લઇને. &nbsp;કોઇ ભાઇઓ મોઢામાં મસાલો નહીં નાંખે, એ બહાર જ ચૂપચાપ થૂંકીને આવશે". હર્ષ સંઘવીએ સ્વચ્છતાને લઈને મહિલાઓને જણાવ્યું છે કે સોસાયટીની નીચે બેઠા બેઠા ભાઈઓ મોડી રાત સુધી પિચકારીઓ મારે છે, તો તેમણે સુધારવા મહિલાઓએ એક ધોકા લઈને જવાનું...ધોકા લઈને જસો તો ભલભલાની આદત છૂટી જશે. સોસાયટીની બહાર થુંકવાથી, ગંદકી કરવાથી બીમારીઓ ફેલાય છે. પરંતુ જો મહિલાઓ હાથમાં ધોકા લઈને જાવ તો પિચકારી મારવાનું બંધ થઈ જશે.

હર્ષ સંઘવીની મહત્વની સલાહ

સોસાયટીની બહાર મોડી રાત સુધી બેસી રહેતા ભાઈઓ ગુટખા તેમજ માવા ખાઈને જે પિચકારીઓ મારે છે તેને બંધ કરાવવા માટે કર્યો અનુરોધ

January 12, 2025 | 14:53 IST