ગુજરાત સરકાર મહાકુંભ મેળા માટે હાઇ-ટેક વોલ્વો બસો કરશે શરૂ

ઉત્તર પ્રદેશનાં પ્રયાગરાજમાં ચાલી રહેલ મહાકુંભમાં કરોડો શ્રદ્ધાળુઓનો ઉત્સાહપૂર્ણ ધસારો જોવા મળી રહ્યો છે. દેશ-વિદેશના શ્રદ્ધાળુઓ આ પવિત્ર મેળામાં હાજરી આપી, ધન્યતા પ્રાપ્ત કરવા માટે સ્નાન કરી રહ્યા છે. આ સંધિમાં ગુજરાત રાજ્ય માર્ગ વાહન વિભાગ (GSRTC) અને પ્રવાસન વિભાગ દ્વારા એક મહત્વપૂર્ણ નિર્ણય લેવામાં આવ્યો છે. 

પ્રયાગરાજમાં કુંભ મેળામાં શ્રદ્ધાળુઓ માટે નવું સેવા પ્રદાન કરવામાં આવશે, જેમાં નવી વોલ્વો બસો અમદાવાદથી પ્રયાગરાજ સુધી દોડાવવાનો માર્ગ અને પરીવહન મંત્રી હર્ષ સંધવી દ્વારા જાહેરાત કરવામાં આવી છે.  આ નવી સેવા શ્રદ્ધાળુઓને વધુ સુવિધા અને આરામથી કુંભ મેળામાં ભાગ લેવા માટે મદદરૂપ રહેશે. આ માટે 8100 નું પેકેડ જાહેર કરવામાં આવ્યું છે જેમાં રહેવાની પણ સુવિધાનો સમાવેશ કરવામાં આવ્યો છે. અને આ ભાડામાં આવવા તથા જવાનો બંને નો સમાવેશ કરવામાં આવ્યો છે. આ પ્રવાસ 3 રાત્રી અને 4 દિવસનો રહેવાનો છે. 

આ બસ સેવાની શરૂઆત 27 જાન્યુઆરીથી ગુજરાતના મુખ્યમંત્રી ભુપેન્દ્ર પટેલ દ્વારા કરવામાં આવશે. જો કે હજુ સુધી એ જાણવા નથી મળ્યું કે અઠવાડીયાના કેટલા દિવસ બસ ઉપડશે તે જાણી શકાયુ નથી, જો કે આ બસ સેવા શરૂ થવાથી, ગુજરાતના શ્રદ્ધાળુઓને તેમના પવિત્ર યાત્રા માટે વિના વિલંબ વગર સીધી પહોંચવાનો એક સરળ અને સુલભ વિકલ્પ મળી રહેશે.