ગુજરાત સરકારનું ‘ખેડૂત પેકેજ’ ફક્ત લોલીપોપ

ગુજરાતના 22 જથી વધુ જિલ્લામાં કમોસમી વરસાદથી પાયમાલ થયેલા ખેડૂતોને રાહતના નામે સરકારે જાહેર કરેલું ₹10 હજાર કરોડનું સહાય પેકેજ અને ₹15 હજાર કરોડની MSP ખરીદી ફક્ત ‘ચૂંટણીલક્ષી લોલીપોપ’ સાબિત થઈ રહ્યું છે.

જાણકાર સૂત્રો અને ખેડૂત આગેવાનોના જણાવ્યા મુજબ, હેક્ટરે ₹22,000ની સહાયમાં એક પણ રૂપિયાનો વધારો નથી, જે ગત ત્રણ વર્ષથી ચાલી આવતી જૂની રકમ છે. MSP ખરીદીમાં પણ 2023-24માં ₹16,000 કરોડની ખરીદી કરી હતી, જ્યારે આ વર્ષે ₹15,000 કરોડની જાહેરાત કરીને ₹1,000 કરોડ ઓછી રકમ બતાવી રહી છે.
હેક્ટરે ₹22,000ની સહાય: 3 વર્ષથી કોઈ વધારો નહીં!

SDR નિયમ: 2022માં SDRFએ હેક્ટરે ₹17,000 નક્કી કર્યા હતા.
ટોપ-અપ: ગુજરાત સરકારે ₹5,000 ઉમેરીને ₹22,000 કર્યા.
2023 અને 2024માં પણ: બંને વર્ષે ખેડૂતોને હેક્ટરે ₹22,000 જ મળ્યા.
2025માં પણ: કોઈ વધારો નહીં, ફક્ત નુકસાન વિસ્તાર વધ્યો એટલે પેકેજનો આંકડો ₹10,000 કરોડ થયો.

વિઘે માત્ર ₹3,520 મળશે: 20-25 વિઘા પાક ડૂબે તો પણ 12.5 વિઘાની જ સહાય!

મર્યાદા: મહત્તમ 2 હેક્ટર (12.5 વિઘા) સુધી જ સહાય.

હેક્ટરે ₹22,000 = 1 વિઘે ₹3,520.
વાસ્તવિક નુકસાન: સૌરાષ્ટ્રમાં 20-25 વિઘા પાકનો સોંઠો વળી ગયો, પરંતુ સહાય ફક્ત 12.5 વિઘાની જ મળશે.
મહત્તમ સહાય: ₹44,000 (2 હેક્ટર × ₹22,000). MSP ખરીદીમાં પણ ધોખો: 2023-24માં ₹16,000 કરોડ, 2025માં ₹15,000 કરોડ!

2023-24: ₹16,000 કરોડની ખરીદી (મગફળી, કપાસ, ધાણા).
2025-26: માત્ર ₹15,000 કરોડની જાહેરાત.
ખરીદી કેન્દ્રો: હજુ સુધી નક્કી નથી, ખરીદી શરૂ થવામાં વિલંબ.
ખેડૂત આગેવાનો: “સરકાર ગત વર્ષ કરતાં ઓછી રકમ બતાવીને ખેડૂતોને મૂર્ખ બનાવે છે.”

ખેડૂત આગેવાનોનો આક્ષેપ: “ચૂંટણી પહેલાં લોલીપોપ, પછી ભૂલી જાય છે”

ખેડૂત સંગઠન: “₹22,000 હેક્ટરે 2018થી ચાલે છે. મોંઘવારી 50% વધી, પરંતુ સહાય એ જૂની. 25 વિઘા પાક ડૂબે તો પણ ₹44,000 જ મળે – આ શું ન્યાય છે?”
કિસાન સંઘર્ષ સમિતિ: “સરકારે ₹50,000 હેક્ટરે અને મર્યાદા 5 હેક્ટર કરવી જોઈએ. MSP ખરીદીમાં પણ ગત વર્ષ કરતાં ઓછું બજેટ – આ ખેડૂત વિરોધી નીતિ છે.”
આંદોલનની તૈયારી: 15 નવેમ્બરથી રાજકોટ, અમરેલી, જૂનાગઢમાં ટ્રેક્ટર રેલી અને ધરણા.

સરકારનો બચાવ: “રેકોર્ડ સહાય આપી છે”
કૃષિ મંત્રી રાઘવજી પટેલ: “અમે SDRF કરતાં ₹5,000 વધુ આપીએ છીએ. ₹10,000 કરોડનું પેકેજ રાષ્ટ્રીય રેકોર્ડ છે. MSP ખરીદી પણ ચાલુ રહેશે.” પરંતુ ખેડૂતોનું કહેવું છે: “આ જૂની રકમનું જ નામ બદલીને નવું પેકેજ બતાવ્યું છે.”

આ સ્થિતિમાં સૌરાષ્ટ્ર-કચ્છના 8 લાખથી વધુ ખેડૂતોનું ભવિષ્ય અંધારું બન્યું છે. ખેડૂતોની માંગ છે: હેક્ટરે ₹50,000 + મર્યાદા 5 હેક્ટર + તાત્કાલિક MSP ખરીદી.