અમદાવાદના જાણીતા હિમાલયા મોલમાં આગથી અફરાતફરી

અમદાવાદના જાણીતા હિમાલયા મોલમાં બુધવારે બપોરે આગ ફાટી નિકળતાં અફરાતફરીનો માહોલ સર્જાયો હતો. આગ અંગે ફાયર બ્રિગેડને જાણ કરાતા ફાયર વિભાગની 6 ગાડીઓ સ્થળ પર પહોંચી હતી અને પાણીનો મારો ચલાવી આગ બુઝાવી દીધી હતી. ઘટનામાં કોઇ જાનહાનિ ના હોવાનું ફાયર બ્રિગેડે જણાવ્યું હતું.

અમદાવાદના હિમાલયા મોલમાં બીજા માળે બપોરના સુમારે આગ ફાટી નિકળી હતી. આગના ધુમાડા જોતા ત્યાં હાજર લોકોમાં ભય ફેલાયો હતો અને દોડધામ મચી ગઇ હતી. ફાયર બ્રિગેડે તત્કાળ સ્થળ પર પહોંચી આગ બુઝાવી હતી.

પ્રાથમિક જાણકારી મુજબ એસીના કોમ્પ્રેશરમાં શોર્ટ સર્કિટ થવાના કારણે આ આગ લાગી હતી. ઘટનાનું ચોક્કસ કારણ હજું જાણવા મળી શક્યું નથી પણ આગના કારણે મોલમાં રહેલા લોકોને તત્કાળ ખસેડી લેવાયા હોવાનું જાણવા મળે છે.