ફેડરેશન ઓફ ઈન્ડિયન પાઈલોટ્સ (FIP) એ વોલ સ્ટ્રીટ જર્નલ (WSJ)ના તાજેતરના લેખની તીવ્ર ટીકા કરી છે, જેમાં એર ઈન્ડિયા પ્લેન ક્રેશને કથિત પાઈલેટની ભૂલ સાથે જોડવામાં આવ્યો હતો. FIP એ ચિંતા વ્યક્ત કરી હતી કે, લેખમાં એરક્રાફ્ટ એક્સિડેન્ટ ઈન્વેસ્ટિગેશન બ્યુરો (AAIB)ના પ્રારંભિક તારણોનું ખોટું અર્થઘટન કરવામાં આવ્યું છે, જેમાં સૂચવવામાં આવ્યું છે કે, ફ્યુઅલ કંટ્રોલ સ્વીચો કેપ્ટન દ્વારા ભૂલથી બંધ કરવામાં આવી હતા.
AAIB ના પ્રારંભિક અહેવાલ મુજબ, એર ઈન્ડિયા બોઈંગ 787 ડ્રીમલાઈનર પરના બંને ફ્યુઅલ કંટ્રોલ સ્વીચો ટેક ઓફ પછી તરત જ 'કટ ઓફ' સ્થિતિમાં મળી આવી હતી. બ્લેક બોક્સમાં રેકોર્ડ કરાયેલા કોકપીટ એક્સચેન્જમાં એક પાઈલટ પૂછતો હતો, 'તમે ફ્યુઅલ કેમ બંધ કરી નાખ્યું?' જ્યારે બીજાએ જવાબ આપ્યો, 'મેં આવું કર્યું નથી.' જોકે, રિપોર્ટમાં એક્સચેન્જમાં સામેલ પાઈલટ્સનું નામ આપવામાં આવ્યું નથી અથવા કોઈ પણ વ્યક્તિને દોષ સોંપવામાં આવ્યો નથી, ન તો તે સ્પષ્ટ કર્યું છે કે, ઈંધણ બંધ કરવું ઈરાદાપૂર્વક હતું કે ખામીનું પરિણામ હતું.
આમ છતાં, WSJ રિપોર્ટમાં દાવો કરવામાં આવ્યો છે કે, US અધિકારીઓ માને છે કે, કેપ્ટન ફ્યુઅલ સ્વીચ બંધ કરવા માટે જવાબદાર હતા.
FIP એ વાંધો ઉઠાવ્યો છે કે, અંતિમ અહેવાલ પ્રકાશિત થાય ત્યાં સુધી મીડિયાને રિપોર્ટિંગમાં સંયમ રાખવાની હાકલ કરી છે. જૂથે થ્રોટલ કંટ્રોલ માલફંક્શન એકોમોડેશન (TCMA)ની શક્યતા અંગે ઊંડાણપૂર્વક તપાસની પણ માંગ કરી છે, જેમાં 2019માં ANA ફ્લાઈટ સાથે થયેલી સમાન ઘટનાનો ઉલ્લેખ કરવામાં આવ્યો હતો. જ્યાં બન્ને એન્જિન પાઈલટની ભૂલને કારણે નહિ, પરંતુ સિસ્ટમની નિષ્ફળતાને કારણે બંધ થઈ ગયા હતા.
FIP એ ક્રેશ તપાસ પેનલમાં પાઈલટના પ્રતિનિધિત્વના અભાવ સામે પણ વાંધો ઉઠાવ્યો હતો અને નાગરિક ઉડ્ડયન મંત્રાલયને પાઈલટ્સ, એન્જિનિયરો અને હવાઈ સલામતી નિષ્ણાતોનો સમાવેશ માટે તેને ફરીથી ગોઠવવા વિનંતી કરી હતી.
સંડોવાયેલા ડ્રીમલાઈનરને કેપ્ટન સુમિત સભરવાલ દ્વારા ઉડાડવામાં આવ્યું હતું, જેમણે 15,000થી વધુ કલાકો ફ્લાઈટ ઉડાવેલી છે અને ફર્સ્ટ ઓફિસર ક્લાઈવ કુંદરે, 3,400 વધુ કલાક ફ્લાઈટ ઉડાવેલી છે.

એર ઈન્ડિયા પ્લેન ક્રેશ

FIP એ એર ઈન્ડિયા ક્રેશમાં પાઈલટની ભૂલના WSJના દાવાની નિંદા કરી, ઊંડાણપૂર્વક તપાસની માંગ

July 17, 2025 | 15:22 IST