વડોદરા જિલ્લાના કરજણ તાલુકાના દેરોલી ગામ નજીક આજે સવારે એક દુ:ખદ દુર્ઘટના સામે આવી છે. દિવાળીપુરાના રહેવાસીઓ સાથે ભરેલી એક કાર અચાનક નર્મદા કેનાલમાં ખાબકી હતી. મળતી માહિતી અનુસાર, કાર ચાલકે સ્ટિયરિંગ પરથી કાબૂ ગુમાવતા વાહન સીધું કેનાલમાં જતું રહ્યું હતું. આ ગંભીર અકસ્માતમાં કારમાં સવાર 4 વ્યક્તિઓમાંથી 2ના ઘટનાસ્થળે જ કરૂણ મોત થયા છે, જ્યારે અન્ય 2 લોકો સમયસૂચકતાથી બહાર નીકળીને બચી ગયા હતા.
દેરસી ગામ નજીક થયેલી આ ઘટનાની જાણ થતાં જ સ્થાનિક પોલીસ અને વહીવટી તંત્ર તાત્કાલિક ઘટના સ્થળે દોડી ગયા હતા. બચાવ કામગીરી શરૂ કરવામાં આવી હતી અને મૃતદેહોને કેનાલમાંથી બહાર લાવવામાં આવ્યા. કારમાં સવાર ચારેય લોકો દિવાળીપુરાના રહેવાસીઓ હોવાનું પ્રાથમિક તપાસમાં સામે આવ્યું છે.
હાલમાં પોલીસ અધિકારીઓએ ઘટનાની વિસ્તૃત તપાસ શરૂ કરી છે. પરિવારજનો અને સ્થાનિક વિસ્તારોમાં ભારે શોકનો માહોલ છવાઈ ગયો છે.

નર્મદા કેનાલમાં કાર ખાબકી

કરજણ તાલુકામાં નર્મદા કેનાલમાં કાર ખાબકતાં 2 યુવાનોના મોત, 2નો બચાવ

July 19, 2025 | 11:56 IST