ગુજરાત વિધાનસભાનું બજેટસત્ર: 19મી ફેબ્રુઆરીથી અને 28મી માર્ચ સુધી ચાલશે

ગુજરાત વિધાનસભાનું બજેટ સત્ર આગામી મહિનામાં શરૂ થશે. આ સત્ર 19મી ફેબ્રુઆરીથી શરૂ થશે અને 28મી માર્ચ સુધી ચાલશે. સુત્રોના જણાવ્યા અનુસાર, નાણામંત્રી કનુભાઈ દેસાઈ 20મી ફેબ્રુઆરીએ વર્ષ 2025-26નું બજેટ રજૂ કરવા આવી શકે છે. આ સત્રમાં જંત્રી દરમાં રાહત મળી શકે છે. સ્થાનિક સ્વરાજ્યની ચૂંટણીનો સમય નજીક હોવાના કારણે, સરકાર કેટલાક પ્રજાલક્ષી નિર્ણય પણ લઈ શકે છે અને લોકોને કેટલીક રાહતો પણ આપી શકે છે. તે સાથે, ખેડૂતલક્ષી કેટલાક મહત્વના નિર્ણયો લેવામાં આવી શકે છે. બજેટ સત્રની તારીખ રાજ્યપાલ દ્વારા જાહેર કરવામાં આવી છે, અને 19 ફેબ્રુઆરીએ બપોરે 12 વાગ્યે આ સત્રની શરૂઆત થશે.

આ મહત્વપૂર્ણ સત્રમાં, નાણામંત્રી કનુભાઈ દેસાઈ રાજ્યના બજેટને રજૂ કરશે, જેમાં આગામી વર્ષ માટે સરકારની નાણાકીય યોજનાઓ અને વિકાસની અભિપ્રાય અંગે ચર્ચા કરવામાં આવશે. આ સત્રની શરૂઆત રાજ્ય બજેટના રજૂઆતથી થશે, જેમાં માળખાગત સુવિધાઓ, શિક્ષણ, આરોગ્ય, અને સામાજિક કલ્યાણ માટેના મુખ્ય ફાળવણીઓ જાહેર થવાની આશા છે. કોંગ્રેસ અને આમ આદમી પાર્ટી સરકારની કામગીરીની સમીક્ષા કરશે અને બેરોજગારી તેમજ ખ્યાતિ હોસ્પિટલના કૌભાંડ જેવા મુદ્દાઓ પર ચિંતાવ્યક્ત કરશે.

મહત્વપૂર્ણ એ છે કે, સંસદનું બજેટ સત્ર 31 જાન્યુઆરીથી શરૂ થશે અને 4 એપ્રિલ સુધી ચાલશે. 1 ફેબ્રુઆરીએ નાણામંત્રી નિર્મલા સિતારમણ કેન્દ્રીય બજેટ રજૂ કરશે.