અમદાવાદ રથયાત્રા હાથી વિવાદ: SAWA દ્વારા કલેક્ટરને પત્ર, પ્રાણી ક્રૂરતા સામે કડક પગલાંની માંગ

અમદાવાદમાં રથયાત્રા દરમિયાન હાથીના સંતુલન ગુમાવવાની ઘટના બની હતી. ત્યારબાદ હાથીને ક્રુરતાપૂર્વક માર મારતો વીડિયો પણ વાયરલ થયો હતો. વીડિયો અંગે અસરકારક પગલાં લેવા માટે SAWA (સ્ટેટ એનિમલ વેલ્ફેર એસોસિએશન) દ્વારા અમદાવાદ કલેકટરને રજુઆત કરવામાં આવી.

SAWA એ રથયાત્રા સમયે ડીજેના અવાજથી ગભરાઈને એક હાથી યાત્રાના રૂટ પરથી બેરિકેડ તોડીને ગલીઓમાં જતો રહ્યો હતો. સદનસીબે આ ઘટનામાં કોઈ મોટી જાનહાનિ થઈ ન હતી. ત્યારબાદ, વનતારાની ટીમે હાથીને સુરક્ષિત રીતે ખસેડયો તેને ખરેખર પ્રશંસનીય પગલું ગણાવ્યું અને હાથીને કોઈ માનસિક કે શારીરિક નુકસાન ન થાય તે હેતુથી તેમને લઈ જવામાં આવ્યા તે કામગીરીને પણ ખૂબ જ સરાહનીય ગણાવી છે.

આ ઘટનાના થોડા સમય બાદ હાથીને માર મારવામાં આવી રહ્યો હોવાનો વીડિયો સોશિયલ મીડિયા પર વાયરલ થયો હતો. આ વીડિયો ખૂબ જ ચિંતાજનક છે અને પ્રાણીઓ પ્રત્યેની ક્રૂરતા દર્શાવે છે. આ બાબતને ધ્યાનમાં રાખીને, અમદાવાદના કલેક્ટરની અધ્યક્ષતામાં કાર્યરત પ્રાણી ક્રૂરતા નિવારણ સોસાયટી (SPCA) દ્વારા આ હાથી બાબતે પ્રાણીઓને ધ્યાનમાં રાખીને જે પણ કાર્યવાહી કરવામાં આવે અને એ પ્રત્યે યોગ્ય નિર્ણય લેવામાં આવે, તેમાં (SAWA) એનિમલ વેલ્ફેર એસોસિએશન સંપૂર્ણ સાથ અને સહકાર આપશે તેવી ખાતરી પત્ર દ્વારા આપવામાં આવ્યો છે. ભવિષ્યમાં મંદિર, ઘર કે કોમર્શિયલ જગ્યાએ,કોઈ આશ્રયસ્થાન કે રથયાત્રા કે, અન્ય કોઈ મેળાવડા દરમિયાન કોઈ પણ પ્રાણીઓ પર અત્યાચાર ન થાય તે સુનિશ્ચિત કરવા માટે પણ SAWA સંપૂર્ણ સમર્થન આપશે. SAWA  એ પ્રાણી કલ્યાણ માટે પ્રતિબદ્ધ  છે અને SPCA આ બાબતે યોગ્ય પગલાં લેશે એવી અપેક્ષા રાખે છે.