Ahmedabad પ્લેન ક્રેશ : 39 મૃતદેહોની ઓળખ, DNA દ્વારા થઈ ઓળખ

અમદાવાદ વિમાન દુર્ઘટનાનીએ ગોજારી ઘટનાને આજ બે દિવસ વિતી ચુક્યા છે. આ ઘટનામાં અત્યાર સુધીમાં 240 થી વધારે મૃતદેહો બહાર કાઢવામાં આવ્યા છે. જેમાના મોટા ભાગના મૃતદેહોની ઓળખ કરવી અશક્ય હોવાને કારણે તમામની ઓળખ ડીએનએ ટેસ્ટ દ્વારા કરવામાં આવશે. જેમાં હાલ મળતી માહિતી પ્રમાણે 39 મૃતદેહોનો ડીએનએ રીપોર્ટ મેચ થતા તેમને તેમના પરિવારને સોપવાની કામગીરી હાથ ધરવામાં આવી. જે મૃતદેહોની ઓળખ કરવામાં આવી તેમાં મોટા ભાગના અમમદાવદના રહેવાશી હતા. 

જેમાં ખાનપુરના રહેવાશી સૈયદ નફીસાબાનું,સૈયદ ઇનાયત અલી અને સૈયદ વકીદ અલીના મૃતદેહની ઓળખ  થઇ. એક જ પરિવારના ત્રણ સભ્યોના મૃત્યુના કારણે સમગ્ર પરિવાર હાલ શોકમાં ગરકાવ થયો છે. હાલ તંત્ર દ્વારા તેમના પરિવરના સભ્યોને મૃતદેહ સોપવાની કામગીરી હાથ ધરવામાં આવી છે. આ કામગીરી માટે સરકાર દ્વારા તંત્રના અધિકારીઓને કામગીરી સોપવામાં આવી છે.

અમદાવાદના વેજલપુરના રહેવાશી પૂજા હર્ષિત પટેલના મૃતદેહની ઓળખ કરવામાં આવી છે. હાલ તેમના મૃતદેહને તેમના પરિવારને સોપવામાં એવશે.

આ પણ વાંચો : Rajkot ભૂતપૂર્વ મુખ્યમંત્રી વિજય રૂપાણીના નિધન પર બંધનું એલાન

જ્યારે વધુ એક અમદાવાદી જે થલતેજના રહેવાશી હતા તેમનો મૃતદેહની ઓળખ થઈ છે. જેમનુ નામ  પટેલ રમેશભાઈ દેવરાજભાઈ હતું જેમની ઓળખ થતા તેમના મૃતદેહને પરિવારને સોપવામાં આવશે.

અમદાવાદના વધુ એક હતભાગીના મૃતદેહની પણ ઓળખ કરવામાં આવી છે મળતી માહિતી પ્રમાણે રેખાબેન પટેલ કે જેઓ પણ થલતેજમાં રહેતા હતા તેમના મૃતદેહની પણ ઓળખ કરવામાં આવી છે, હાલ તેમના પરિવારને જાણ કરીને તેના મૃતદેહને પરિવારને સોપવાની કામગીરી હાથ ધરવામાં આવી છે. 

આપને જણાવી દઈએ કે અત્યાર સુધીમાં આ દુર્ધટનામાં 240 થી પણ વધારે લોકોએ પોતાનો જીવ ગુમાવ્યો છે. ત્યારે તમામની ઓળખ ડીએનએ રીપોર્ટથી કરવાની હોવીથી થોડી વાર લાગી શકે તેમ છે. હાલ તો રાત દિવસ જોયા વિના ડૉક્ટરોની ટીમ તેમાં લાગી છે. આજે 39 લોકોની ઓળખ થતા લોકોને જલદી અન્ય લોકોની ઓળખ થવાની આશા બંધાણી છે.