AMC નો કડક નિર્ણય, પાલતુ શ્વાનનું રજિસ્ટ્રેશન ફરજિયાત, 31 મે સુધીનું અલ્ટિમેટમ

અમદાવાદ મ્યુનિસિપલ કોર્પોરેશન (AMC) દ્વારા શહેરમાં પાલતુ શ્વાન (પેટ ડોગ) રાખતા માલિકો માટે મહત્વપૂર્ણ જાહેરાત કરવામાં આવી છે. હવેથી પાલતુ શ્વાનનું રજિસ્ટ્રેશન કરાવવું ફરજિયાત છે અને તેની અંતિમ તારીખ 31 મે નક્કી કરવામાં આવી છે. જે માલિકો આ સમયમર્યાદામાં પોતાના શ્વાનનું રજિસ્ટ્રેશન નહીં કરાવે, તેમને મુશ્કેલીનો સામનો કરવો પડી શકે છે.

સમયસર નોંધણી ન કરનારના કનેક્શન કપાશે...

AMC દ્વારા સ્પષ્ટપણે જણાવવામાં આવ્યું છે કે, 31 મે સુધીમાં પાલતુ શ્વાનની નોંધણી ન કરનાર માલિકોના પાણી અને ગટર કનેક્શન કાપી નાખવામાં આવશે. આ નિર્ણય શ્વાન માલિકોને ફરજિયાત નોંધણી કરાવવા માટે ગંભીરતાથી વિચારવા મજબૂર કરશે.

પેટ ડોગ માલિકોની મુશ્કેલી વધશે...

આ નિયમનો ભંગ કરનાર પેટ ડોગ માલિકો માટે AMC દ્વારા કડક કાર્યવાહી કરવામાં આવશે. આ નિયમનો મુખ્ય ઉદ્દેશ્ય શહેરમાં પાલતુ શ્વાનોની ગણતરી રાખવાનો, તેમની આરોગ્ય સ્થિતિ પર નજર રાખવાનો અને રખડતા શ્વાનોના પ્રશ્નને અંકુશમાં લેવામાં મદદ કરવાનો છે. શહેરીજનોને અપીલ કરવામાં આવે છે કે તેઓ સમયસર પોતાના પાલતુ શ્વાનનું રજિસ્ટ્રેશન કરાવીને દંડ અને અસુવિધાથી બચી શકે છે.