Ahmedabad: પ્રજ્ઞાચક્ષુ સંગીતના શિક્ષકે બાળકી સાથે કર્યા અડપલાં!

અમદાવાદમાં શાળામાં શિક્ષકે બાળકી સાથે અડપલા કર્યાની ફરિયાદ નોધાઈ હતી. પોલીસે અડપલા કરનાર શિક્ષકની અટકાયત કરવામાં આવી છે. શિક્ષકનું નામ રણછોડ રબારી છે.પ્રજ્ઞાચક્ષુ,સંગીતના શિક્ષક છે. સંગીત સીખવાના બહાને રિશેષમાં વિદ્યાર્થીનીઓ સાથે અડપલા કરતો હતો. રણછોડ રબારીએ 20 વર્ષથી  શિક્ષક તરીકે ફરજ બજાવી રહ્યા હતા. દીકરીને શરીરમાં દુખાવા થતા માતાએ પૂછપરછ કરી હતી. દીકરીના માતાએ 10 દિવસથી અડપલા કરતો હોવાનો ખુલાસો કર્યો હતો. શિક્ષક રણછોડ રબારી બે બાળકોના પિતા છે. પોલીસે આરોપી વિરુધ ગુનો નોધીને વધુ તપાસ હાથ ઘરી છે. 

અન્ય બાળકીઓ સાથે પણ અડપલા કરતો, મારી નાખવાની ધમકી આપતો : 
બાળકી ઘરે જઈને સૂનમૂન બેસી રહેતા તેની માતાએ તેને પૂછ્યું હતું.ત્યારે બાળકીએ શિક્ષક રણછોડ રબારીની કરતૂત અંગે તેની માતાને જણાવ્યું હતું કે રણછોડ રબારી માત્ર તેની સાથે જ નહીં અન્ય બાળકીઓ સાથે પણ આ હરકત કરતો હતો. આ બાબતે કોઈને જાણ કરીશ તો મારી નાખીશ તેવી ધમકી પણ આપતો હતો. આ અંગે બાળકીની માતાએ ગાયકવાડ હવેલી પોલીસ સ્ટેશનમાં ફરિયાદ નોંધાવતા પોલીસે તપાસ શરૂ કરી છે.

શિક્ષકને સસ્પેન્ડ કરાયો : 
અમદાવાદ સ્કૂલ બોર્ડના શાસનાધિકારી એલ.ડી દેસાઈએ જણાવ્યું હતું કે શિક્ષકની સામે થયેલી ફરિયાદ અંગે જાણ થઈ છે જે મામલે પોલીસ તપાસ કરી રહી છે. અમને બનાવની જાણ થતા શિક્ષકને તાત્કાલિક સસ્પેન્ડ કરવામાં આવ્યા છે.