Ahmedabad: નારોલમાં મોડી રાત્રે ભયાનક અકસ્માત: પેટ્રોલ ટેન્કરે રાહદારીને કચડ્યો,પોલીસ તપાસ શરૂ

અમદાવાદમાં ફરી એક વાર રફ્તારનો કહેર જોવા મળી રહ્યો છે. અમદાવાદના નારોલ વિસ્તારમાં બોમ્બે હોટલ પાસે BRTS બસ સ્ટોપના વર્કશોપ પાસે  ગમખ્વાર  અકસ્માત થયો હતો. BRTS સ્ટોપ પાસે એક પેટ્રોલ ટ્રક દ્વારા અકસ્માત કરવામાં આવ્યો હતો. રાતના સમય રોડની સ્ટ્રીટ લાઇટ ચાલુ ન  હોવાના કારણે ટ્રકના ડ્રાઈવરે બાંકડા પર બેઠેલા એક વ્યક્તિને ઉડાડી દીધા હતા.

વધુમાં જણાવી દઈએ કે ડ્રાઇવરને ટ્રક પરથી  બેકાબૂ થતાં આગળ જતાં ત્રણ વાહનો અને બે કાર એક ટેમ્પો તેમજ બસસ્ટોપના થાંભલા તેમજ બે સીડી ઉડાવી દીધી હતી. એક વ્યક્તિને ગંભીર ઈજા પહોંચ્યા બાદ તેને હોસ્પિટલમાં ખસેડવામાં આવ્યું હતું.હોસ્પિટલ લઈ ગયા બાદ વ્યક્તિનું મોત નીપજ્યું  હતું. ટ્રાફિક પોલીસ દ્વારા ટ્રક ડ્રાઇવરની અટકાયત કરવામાં આવી હતી. શું ટ્રક ચાલક નશામાં હતો તેવા અનેક પ્રશ્નોનોની તપાસ પોલીસ કરી રહી છે. ઘટના સ્થળે હજાર ટ્રાફિક પોલીસે કેસની તપાસ હાથ ધરી છે.