વડોદરાના પૂર્વ મ્યુનિ.કમિશનર અને પૂર્વ ટીડીઓ સામે તપાસ કરવા એસીબીનો પત્ર

વડોદરાના પૂર્વ મ્યુનિ.કમિશનર દિલીપ રાણા અને પૂર્વ ટીડીઓ જીતેશ રમણલાલ ત્રિવેદી સામે વડોદરાના જ કોર્પોરેટરે એસીબીમાં ફરિયાદ કરી હતી. આ મામલે એસીબીએ શહેરી વિકાસ મંત્રાલયને તપાસ કરવા માટે પત્ર લખ્યો છે. કોર્પોરેશનના 2 પૂર્વ અધિકારીઓ સામે એસીબીએ તપાસ કરવા જણાવતા કોર્પોરેશનમાં ખળભળાટ મચી ગયો છે..

વડોદરાના કોર્પોરેટર આશિષ જોશીએ વડોદરાના પૂર્વ મ્યુનિ.કમિશનર દિલીપ રાણા અને પૂર્વ ટીડીઓ જીતેશ રમણલાલ ત્રિવેદી સામે એસીબી અમદાવાદની મુખ્ય કચેરીમાં ફરિયાદ કરી હતી. તેમણે આ બાબતે ગત 17-12-2024ના રોજ ફરિયાદ કરી હતી. એસીબી દ્વારા શહેરી વિકાસ મંત્રાલયને જણાવાયું છે કે પરીપત્ર મુજબ સરકારના દરેક વિભાગોમાં તકેદારી અધિકારીની નિમણુક કરવાનું જણાવાયેલું છે અને સબંધિત તકેદારી અધિકારીને સંદર્ભીત પરિપત્ર મુજબ લાંચ રુશ્વત વિરોધી બ્યુરોને જે કેસમાં સરકાર દ્વારા અને તકેદારી આયોગ દ્વારા તપાસ સોંપાયેલ હોય કે પછી બ્યુરોએ પોતાને મળેલ બાતમીના આઝધારે તપાસ શરુ કરી હોય તેવા તમામ કેસોમાં બ્યુરોને યોગ્ય મદદ મળી રહે તે જોવાની ફજ સોંપવામાં આવેલ છે તેમ જણાવેલ છે.

 

 

આ પત્રમાં વધુમાં લખાયું છે કે રાજ્યની કોઇ પણ કચેરીમાં કે ખાતામાં વહિવમાં યોજના અમલમાં કે બાંધકામ ખરીદી જેવી ટેન્ડર પ્રક્રિયાની બાબતમાં ભ્રષ્ટાચારી રીતરસમ અપનાવામાં આવતી હો કે નિર્ણયને ભ્રષ્ટાચારથી ઇરાદાપૂર્વક વિલંબીત કરવામાં આવતો હોય કે કોઇની અણહક્કની તરફેણ કરવામાં આવતી હોય તેવું જણાય તો તેવા કિસ્સામાં નિવારક તકેદારી નિરીક્ષણ જરુરી બનતું હોવાનું જણાવેલ છે. જેથી આક્ષેપીત જીતેશ રમણલાલ ત્રીવેદી પૂર્વ ટાઉન ડેવલપમેન્ટ ઓફિસર અને દિલીપકુમાર રાણા મ્યુનિ.કમિશનપરના વિરુદ્ધના આરોપોની અરજી બાબતે આપની કક્ષાએથી આક્ષેપો અન્વયે નવારક તકેદારી નિરીક્ષણ અંગેની માર્ગદર્શક સુચનાઓની અમલદારી કરવા વિનંતી છે અને તપાસ દરમિયાન ભ્રષ્ટાચાર નિવારણને લગતા અધિનીયમને લગતી જોગવાઇ અન્વયે કોઇ આધારભુત હકિકત જણાઇ આવે તો અથવા તમારા દ્વારા પ્રકરણનો નિકાલ કરાય તો જાણ કરશો તેમ પત્રમાં જણાવાયેલું છે.

 

 

ઉલ્લેખનિય છે કે આ આરોપોની અરજી કરનારા કોર્પોરેટર આશિષ જોશીને તાજેતરમાં જ ભાજપ દ્વારા સસ્પેન્ડ કરાયા હતા. હરણી બોટકાંડના પીડિતોની મદદ કરવા માટે તથા તેમને વળતર અપાવવાના મુદ્દે તેઓ સતત પીડિતોની પડખે રહ્યા હતા.