ભુજના કંઢેરાઈ ગામે બોરવેલમાં ફસાયેલી યુવતીએ લીધા અંતિમ શ્વાસ, મૃતદેહ બોરવેલમાં ફૂલી ગયો

ભુજ: ભુજમાં સોમવારે (છઠ્ઠી જાન્યુઆરી) રાજ્યભરમાં ચકચારી મચી જાય તેવી ઘટના બની હતી. કંઢેરાઈ ગામે સોમવારે વહેલી સવારે 21 વર્ષીય ઇન્દિરા મીણા નામની યુવતી 500 ફૂટ ઊંડા બોરવેલમાં ગરકાવ થઈ હતી. જો કે, આ યુવતી જિંદગીની જંગ હારી ગઈ છે. હાલ ફાયર બ્રિગેડ સહિતની વિવિધ રેસ્ક્યુ ટીમ દ્વારા યુવતીનો મૃતદેહ બહાર કાઢવામાં આવ્યો. હોસ્પિટલ દ્વારા મૃત જાહેર કરાઈ. 

મળતી માહિતી અનુસાર, બોરવેલમાં ફસાયેલી ઇન્દિરા મીણાનું રેસ્ક્યુ ઓપરેશન દરમિયાન મૃત્યુ નિપજ્યું છે. રેસ્ક્યુ દરમિયાન મૃતદેહને બોરવેલમાંથી 300 ફૂટ ઉપર આવ્યા બાદ ફરી નીચે પટકાયો હતો. 33 કલાક બાદ યુવતીને બોરવેલમાંથી બહાર કાઢી શકાઈ છે. NDRF, BSF, સ્થાનિક તંત્રએ ઓપરેશન પાર પાડ્યું છે. જ્યારે યુવતીને તાત્કાલિક હોસ્પિટલ ખસેડાઈ ત્યારે હોસ્પિટલ દ્વારા મૃત જાહેર કરાઈ.